Samfélagsmiðlar

EM flug til Parísar á tæpar 11 þúsund krónur

paris yfir

Fransk-hollenska lággjaldaflugfélagið Transavia hefur hafið sölu á áætlunarflugi sínu milli Íslands og Parísar næsta sumar. Fargjöldin eru mun ódýrari en Icelandair og WOW air bjóða. Fransk-hollenska lággjaldaflugfélagið Transavia hefur hafið sölu á áætlunarflugi sínu milli Íslands og Parísar næsta sumar. Fargjöldin í kringum leik íslenska landsliðsins í París eru margfalt ódýrari en Icelandair og WOW air bjóða.
Eins og langflestir, ef ekki allir, vita fer Evrópumeistaramótið í knattspyrnu fram í Frakklandi í sumar og íslenska landsliðið er meðal þátttakenda. Þetta er í fyrsta sinn sem karlalandsliðið kemst í lokakeppnina og margir Íslendingar hyggjast fylgja liðinu til Frakklands í júní næstkomandi. Og líklega eru ófáir nú þegar búnir að bóka flug til Parísar því fargjöld Icelandair og WOW air til borgarinnar í júní næstkomandi eru orðin mjög há. Hjá WOW air kostar til að mynda að lágmarki 39 þúsund krónur í dag að bóka sæti til Parísar í júní og þá er heimferðin ekki innifalin. Hjá Icelandair eru ódýrust fargjöldin, aðra leiðina, á tæpar 30 þúsund krónur en þó aðeins á fáum dagsetningum.

Frá 10.700 krónum

Íslensku félögin tvö eru þó ekki ein um að fljúga milli Íslands og Parísar því lággjaldaflugfélagið Transavia hefur flogið þessa leið yfir sumartímann um nokkurra ára skeið. Forsvarsmenn flugfélagsins hafa hins vegar dregið að hefja sölu á Íslandsflugi sínu næsta sumar en hafa núna opnað fyrir bókanir og líklega koma fargjöldin mörgum ánægjulega á óvart. Alla vega þeim sem ennþá hafa ekki tryggt sér miða til Parísar í júní því farið þangað með Transavia kostar annað hvort 76 eða 86 evrur, þ.e. 10.700 kr. eða 12.100 kr. Telja má líklegt að framboð á þessum ódýrustu sætum sé takmarkað en farmiðarnir til Íslands frá París í júni kosta aðeins meira eða ríflega 100 evrur.

Miklu ódýrara á Parísarleikinn

Fyrsti leikur íslenska liðsins á EM er þann 14. júní í St. Etienne og fjórum dögum síðar á liðið leik í Marseille í S-Frakklandi. Leiðin á þessa tvo keppnisstaði er ekki eins bein og á Stade-de-France í París þar sem Ísland spilar á móti Austurríki þann 22. júní. Þeir sem ætla að láta þann leik nægja og bóka núna far með Icelandair eða WOW air til Parísar dagana í kringum leikinn þurfa að borga rúmlega 75 þúsund krónur fyrir flugmiða báðar leiðir. Hjá WOW bætist svo fjögur til átta þúsund krónur fyrir farangur. Með Transavia má hins vegar komast til Parísar daginn fyrir leik og heim þann 24. júní fyrir tæpar 29 þúsund krónur. Fyrir innritaðan farangur þarf svo að borga aukalega að minnsta kosti 2.800 krónur hvora leið. Hvað sem því líður þá er vermunurinn töluverður.
VILTU FÁ TÚRISTAGREINAR OG FERÐATILBOÐ Í PÓSTHÓLFIÐ ÞITT? – SMELLTU HÉR TIL AÐ GERA VERÐSAMANBURÐ Á GISTINGU Í PARÍS

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …