Samfélagsmiðlar

Reyna að koma fleirum í ferðir til Kanarí eða Tenerife

tenerife stor

Flugfélög og ferðaskrifstofur bjóða nú ódýrar ferðir sínar til spænska eyjaklasans í lok mánaðar. Fjölgun flugferða þangað hefur áhrif á fargjöldin. Flugfélög og ferðaskrifstofur bjóða nú ódýrar ferðir sínar til spænska eyjaklasans í lok mánaðar. Fjölgun flugferða þangað hefur áhrif á fargjöldin.
Ef þig langar að komast í mun heitara loftslag næstu vikur og getur fengið frí frá vinnu þá er töluvert framboð af ódýrum ferðum til Tenerife og Kanarí um þessar mundir. Á heimasíðum ferðaskrifstofanna er úrval af tilboðsferðum til eyjanna og þar má finna vikuferðir frá 70 þúsund krónum en fjögurra daga ferðir fyrir minna. Verð á stökum flugmiðum hefur líka lækkað síðustu vikur eins og sjá má á töflunni hér fyrir neðan. 

Lækka verð stuttu fyrir brottför

Verðið er einna lægst í brottfarirnar 12. og 26. janúar en þessa daga fljúga t.d. þrjár þotur héðan til Tenerife með sæti fyrir um 550 farþega. Framboð á flugi til eyjunnar hefur aukist verulega með áætlunarflugi WOW air og brátt hefur félagið einnig flug til Las Palmas á Kanarí. Þar með verður pláss fyrir um 5000 farþega í hverjum mánuði í vélunum sem fljúga til eyjanna tveggja. Það er um tvöfalt fleiri sæti en á sama tíma í fyrra og viðmælendur Túrista innan ferðageirans telja framboðið orðið alltof mikið. Þessi mikla aukning er augljóslega farin að hafa áhrif á verðlagið, bæði hvað varðar pakkaferðirnar en líka flugfargjöldin ein og sér. Í verðkönnun sem Túristi gerði í byrjun desember á fargjöldum til Tenerife þann 26. janúar til 2. febrúar kom í ljós verulegur verðmunur á fargjöldunum eftir því hvar flugið var keypt. Sá mismunur er ennþá til staðar en eins og sjá má á töflunni hér fyrir neðan hafa fargjöldin lækkað hjá öllum ferðaskipuleggjendum nú þegar styttist í brottför. 

Verð á flugi til Tenerife 26. janúar og heim 2. febrúar

 FerðaskipuleggjandiVerð 2.desemberVerð í dagLækkun í %
WOW air35.807 kr. (45.805 kr. m farangri)32.997 kr. (42.995 kr. m. farangri) -7,8%
Primeraair35.990 kr. (45.790 kr. m. farangri)34.990 kr. (44.790 kr. m. farangri) -2,8%
Sumarferðir/Úrval-Útsýn44.500 kr.43.900 kr. -1,3%
Heimsferðir79.900 kr.64.850 kr. -18,8%
Vita84.900 kr.69.900 kr. -17,7%

VILTU FÁ TÚRISTAGREINAR OG FERÐATILBOÐ Í PÓSTHÓLFIÐ ÞITT? – SMELLTU HÉR TIL AÐ GERA VERÐSAMANBURÐ Á GISTINGU Á TENERIFE OG KANARÍ

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …