Ferðapunktar

Ferðalög lengja lífið

1. febrúar 2016

Þetta daglega amstur gleymist hratt en ferðalögin er lengi hægt að rifja upp.
Við setjumst ósennilega niður einn daginn og rifjum upp ferðir okkar í Bónus eða í laugarnar. Rútínan gleymist nefnilega furðufljótt. Það sama er hins vegar ekki hægt að segja um ferðalög því þau eru oftar en ekki minnistæð. Auðvitað ekki frá a til ö en því sem næst. Ferðaminningar lengja því lífið, alla vega í huganum. Það er boðskapur þessarar stuttu hugleiðingar frá Biran Chesky, einum af stofnendum gistisíðunnar Airbnb (stóri bróðurinn á myndinni hér fyrir ofan).

Fréttir

Air France-KLM eignast stóran hlut í SAS

Ein af þremur stærstu flugfélagasamsteypum Evrópu er meðal þeirra sem buðu best í hlutafjárútboði SAS.

Fréttir

EasyJet ræðst til atlögu við rokksveit frá Leicester

Hljómsveit fimm stráka frá Leicester á Englandi hefur verið hótað málsókn frá flugfélaginu EasyJet ef hún skipti ekki um nafn hið fyrsta. Strákunum þykir þetta drepfyndið en flugfélaginu er alvara.

Fréttir

Búast má við harðnandi samkeppni hótela og Airbnb

Hingað til hafa hótelhringir og leigusíður eins og Airbnb ekki barist að marki um sömu kúnna en búast má við að það breytist á komandi árum vegna vaxandi umsvifa. Stöðugt fjölgar þeim sem vilja sinna fjarvinnu frá nýjum stöðum.

Fréttir

Evrópusambandið hagnast á afsláttarstefnu Breta í losunarmálum

Með því að slá af kröfum um eigin losun eru Bretar að færa Evrópusambandinu auknar tekjur af losunargjöldum næsta áratuginn - í stað þess að láta þær renna í ríkissjóð Bretlands.

Fréttir

Íhuga að rukka notendur Instagram og Facebook

Stjórnendur samfélagsmiðlasamsteypunnar Meta, sem á Facebook, Instagram og WhatsApp, leggja nú mat á kosti og galla þess að rukka notendur Facebook og Instagram mánaðargjald. Upphæðin yrði 14 bandaríkjadollarar eða um 2.000 krónur. Ef af verður þá verður gjaldið lagt á innan nokkurra mánaða samkvæmt frétt Wall Street Journal. Gjaldið er þó valfrjálst því það munu … Lesa meira

Fréttir

Óseldu sætin fá hjá þeim stærstu

Það voru nærri 16 milljónir farþega sem nýttu sér áætlunarferðir Ryanair í síðasta mánuði og að jafnaði voru 94 af hverjum 100 sætum seld. Ryanair er stærsta flugfélag Evrópu í farþegum en ennþá flýgur félagið ekki hingað til lands. Það gerir hins vegar Wizz Air sem er næststærsta lágfargjaldaflugfélag Evrópu. Í nýliðnum september flaug það … Lesa meira

Fréttir

Stöðva tímabundið framleiðslu á minni rafbílum

Þó sala á rafbílum aukist jafnt og þétt þá ætlar þýski bílarisinn Volkswagen að gera stutt hlé á framleiðslu á tveimur tegundum rafbíla. Hörð samkeppni við kínverska bílaframleiðendur kemur nefnilega illa við Volkswagen samkvæmt frétt Bloomberg. Eftirspurn eftir Volkswagen ID3 og Cupra Born hefur minnkað og sérstaklega í heimalandinu bílaframleiðandans, Þýskalandi. Af þeim sökum verður … Lesa meira

Fréttir

Troðningur – eða bara tuð?

Það er komið haust og enn eru erlendir ferðamenn mjög áberandi í miðborg Reykjavíkur. Eru þeir of margir miðað við íbúafjölda? Er Reykjavík ein ofsetnasta ferðamannaborg Evrópu, eins og haldið hefur verið fram?