Stones smellur á að fá fleiri beint inn á Hilton

Hótelstjórum út um víða veröld svíður að borga um fjórðung af herbergisverðinu í þóknun til bókunarfyrirtækja. Hér er nýjasta tilraun Hilton hótelkeðjunnar til að fá fleiri til að bóka beint.
Umsvif hótelbókunarsíðna eins og Booking.com og Hotels.com stóraukast með hverju árinu og allir þeir sem selja gistingu af einhverju tagi geta varla annað en skráð sig á lista hjá bókunarfyrirtækjunum. Það kostar hins vegar sitt því þessi fyrirtæki taka á bilinu 15 til 30 prósent í sölulaun. Það er því ekki óskastaða fyrir hóteleigendur að gestirnir panti herbergin þeirra annars staðar en á heimasíðu hótelanna. Forsvarsmenn Hilton keðjunnar reyna nú með nýrri auglýsingu að fá fleiri til að bóka gistinguna hjá sér milliliðalaust og il að gera þann kost fýsilegri hefur markaðsdeild Hilton keypt leyfi til að skreyta auglýsinguna með einu þekktasta lagi rokksögunnar, (Can´t get no) Satisfaction með Rolling Stones. Og ef Túristi man rétt þá mun Keith Richards einmitt hafa samið grunninn að laginu á hótelherbergi fyrir rúmri hálfri öld síðan.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira