Samfélagsmiðlar

Hótel vel bókuð fyrir sumarið

Það er útlit fyrir að gististaðir stærstu hótelkeðja landsins verði vel nýttir í sumar og að asískum gestum fjölgi. Verðskrár hafa hækkað milli ára.

hotelrum nik lanus

„Hótelin eru, líkt og í fyrra, mjög vel bókuð fyrir sumarið, bæði í Reykjavík og á landsbyggð. Síðasta sumar var metár hjá okkur og við erum af þeim sökum að bæta við okkur fleiri hótelherbergjum, enda þau sem fyrir eru nánast fullbókuð,” segir Magnea Þórey Hjálmarsdóttir, framkvæmdastjóri Icelandair Hotels, aðspurð um útlitið fyrir aðal ferðmannatímabilið í ár. Davíð Torfi Ólafsson, framkvæmdastjóri Íslandshótela hefur svipaða sögu að segja. Þar hefur bókunum á reykvísk hótel fyrir sumarið fjölgað um 15 prósent frá því sama tíma í fyrra og um tíund úti á landi. Hjá KEA hótelum er staðan álíka og á síðasta ári að sögn Páls L. Sigurjónssonar, framkvæmdastjóra.
Íslandshótel, Icelandair hotels og KEA hótelin eru þrjú stærstu hótelfyrirtæki landsins og hafa í dag samtals ríflega 2800 hótelherbergi á sínum snærum og mun sú tala hækka þónokkuð á næstu mánuðum.

Verð hefur hækkað

Á sama tíma og eftirspurn eftir gistingu eykst þá hafa verðskrár hótelanna hækkað en Páll hjá KEA hótelum segir verðþróunina hjá fyrirtækinu hafa fylgt breytingum á almennu verðlagi og hækkað um fimm prósent. Fjölgun stærri og betri hótelherbergja skýrir einnig breytingarnar að sögn Magneu hjá Icelandair Hotels því „deluxe” herbergi, svítur og fjölskylduherbergi kosti meira en venjuleg herbergi.

Fleiri á leiðinni frá Asíu

Bretar og Bandaríkjamenn eru langfjölmennustu þjóðirnar í hópi ferðamanna á Íslandi og hefur þeim fjölgað hratt síðustu ár. Síðastliðið sumar lét nærri að einn af hverjum þremur túristum hér á landi væri frá þessum tveimur löndum og hótelbókanir frá Bretlandi og Bandaríkjunum eru því áberandi margar fyrir sumarið en Davíð hjá Íslandshótelum segir líka aukningu í pöntunum frá Kína. Hjá Icelandair Hotels er sömuleiðis mikil viðbót í bókunum frá Asíu og segir Magnea að fyrirtækið hafi markvisst sótt inn á þann markað í samstarfi við systurfélög sín Icelandair og Iceland Travel. „Mesta aukningin er þó eftir sem áður frá Bandaríkjamarkaði,” bætir hún við.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …