Samfélagsmiðlar

Sala á Tyrklandsferðum fer hægt af stað

nazar c

Ástandið í Sýrlandi hefur áhrif á ferðaþjónustuna í nágrannalandinu Tyrklandi. Sala á ferðum þangað frá Íslandi er minni en í fyrra en teikn eru á lofti um að eftirspurnin sé að aukast. Ástandið í Sýrlandi hefur áhrif á ferðaþjónustuna í nágrannalandinu Tyrklandi. Sala á ferðum þangað er minni en í fyrra en teikn eru á lofti um að eftirspurnin sé að aukast.
„Pantanir eru flestar á bestu hótelin og þau sem bjóða upp á íslenska barnaklúbba en heilt yfir gengur salan hægt. Við ætlum samt ekki að fækka ferðum okkar til Tyrklands frá Íslandi öfugt við það sem við höfum gert á hinum Norðurlöndunum,” segir Kemal Yamanlar, framkvæmdastjóri ferðaskrifstofunnar Nazar, aðspurður um hvort stríðið í Sýrlandi og hryðjuverkin í Istanbúl í janúar hafi dregið úr eftirpurn eftir Tyrklandsreisum í sumar. Nazar skipuleggur Tyrklandsferðir frá öllum Norðurlöndunum og er eina ferðaskrifstofan hér á landi sem býður upp reglulegar ferðir þangað líkt og kom fram í samantekt Túrista á framboði á sólarlandaferðum í sumar.

Skiljanlegt að fólk hinkri

Að sögn Yamanlar hefur eftirspurn eftir Tyrklandsferðum ekki bara dregist saman á Norðurlöndum heldur líka á meginlandi Evrópu. Hann segir þó teikn á lofti um að markaðurinn sé að taka við sér en það sé hins vegar skiljanlegt að fólk vilji bíða og sjá hvernig málin þróast. Ekki bara hvað varðar ferðalög til Tyrklands heldur líka til fleiri landa því margt hefur gerst víða í álfunni. Yamanlar bendir hins vegar á að ef utanríkisþjónustan hér á landi eða í nágrannaríkjunum leggst gegn ferðalögum til Tyrklands þá fær fólk ferðir sínar endurgreiddar. Það á einnig við um ferðalög til annarra landa ef ástandið verður ótryggt.

Sértilboð fyrir barnafjölskyldur

Hjá Nazar er úrval af fjölskylduvænum gististöðum með stóra sundlaugagarða þar sem allar veitingar eru innifaldar í verðinu og starfræktir eru íslenskir barnaklúbbar. Sala á þess háttar gistingu gengur best, líkt og fyrr segir, og telur Yamanlar skýringuna vera að framboð á þess háttar gistingu sé þrátt fyrir allt takmarkað og þeir sem vilji tryggja sér ákveðnar ferðir eru því fyrri til að panta en aðrir.
Í þessari viku mun Nazar bjóða á tilboði 50 ferðir þar sem fyrsta barnið ferðast frítt.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …