Samfélagsmiðlar

Þjóðtungan fyrst og svo enska á hinum norrænu flugvöllunum

Á skiltunum sem vísa farþegum veginn um Keflavíkurflugvöll eru leiðbeiningarnar fyrst skrifaðar á ensku og svo íslensku. Forsvarsmenn stærstu flugvalla Norðurlanda setja hins vegar ríkismálin efst á blað.

skilti osl hel

Á nýjum upplýsingaskiltum í Flugstöð Leifs Eiríkssonar er enskur texti skrifaður á undan þeim íslenska. Öfugt við það sem áður tíðkaðist. Ástæðan fyrir þessari stefnubreytingu er sú að um flugstöðina fara mun fleiri erlendir farþegar en íslenskir samkvæmt frétt Vísis.
Á stærstu flugstöðvum Norðurlanda er enskan hins vegar í öðru sæti og ekki stendur til að fylgja fordæmi forsvarsmanna íslenska flugvallarins.

Myndi vekja upp umræðu í Noregi

„Við höfum ekki uppi nein áform um að breyta skiltunum okkar og setja enska textann framan við þann norska. Ég held þó að óhætt sé að fullyrða að norsku og ensku orðin eru jafn áberandi í dag því við notum sömu leturgerð og stærð fyrir bæði tungumál,“ segir Kim Lang, yfirmaður fasteignadeildar Óslóarflugvallar, í svari til Túrista. Hann tekur hins vegar fram að farþegahóparnir á norska og íslenska flugvellinum séu ólíkir þar sem hlutfall skiptifarþega sé töluvert meira í Leifsstöð. „Leturgerðin sem notuð er á skiltunum (á Keflavíkurflugvelli, innsk. blm) gerir enskunni hærra undir höfði á kostnað íslenskunnar og það kemur mér ekki á óvart að umræða hafi skapast um þessa breytingu. Ég held að það myndi líka gerast hér í Noregi.“
Talsmaður Kaupmannahafnarflugvallar, stærstu flughafnar Norðurlanda, segir að þar á bæ sé sömu línu fylgt, þ.e. danska fyrst og svo enskan. Sumstaðar á Kastrup er einnig að finna vegvísa á kínversku. Åsa Öhman, talskona Swedavia, rektraraðila Arlandaflugvallar í Stokkhólmi, segist ekki vita hvort það sé einhver sérstök ástæða fyrir því að sænskan sé höfð á undan á flugvöllum þar í landi en bendir á að móðurmálin séu líka í forgrunni í Þýskalandi, Frakklandi, Spáni og á hinum Norðurlöndunum.

Eingöngu enska?

Líkt og á Keflavíkurflugvelli þá eru tengifarþegar fjölmargar á flugvellinum í Helsinki þar sem ríkisflugfélagið Finnair er mjög umsvifamikið í Asíuflugi. Þrátt fyrir það eru þjóðtungurnar tvær, finnska og sænska, á undan enskunni á upplýsingaskiltunum á flugvellinum og kínversk og japönsk orð koma einnig fyrir á sumum skiltum. „Af og til hefur það komið upp í umræðunni að setja enskuna fremst og svo tungumálin okkar eða jafnvel láta enskuna duga“, segir Annika Kåla, talsmaður Finnavia, aðspurð um forgangsröðina á leiðarvísum finnska flugvallarins. Kåla bætir því við að þegar framkvæmdum við stækkun Helsinkiflugvallar lýkur eftir tvö ár eða svo þá verði að taka upp nýtt skiltakerfi í flugstöðinni og þá muni spurningin um röðun tungumála vafalítið koma upp á ný.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …