Mörgum íbúum Bandaríkjanna líst ekkert á forsetaframbjóðendurna og eru farnir að huga að flutningi til nágrannanna í norðri.
Eftir að línur fóru að skýrast í forkosningunum vestanhafs hefur það færst mjög í vöxt að Bandaríkjamenn leiti á Google eftir upplýsingum um hvernig þeir geti hafið nýtt líf í Kanada. Er þessi aukning helst rakin til sigra Donald Trump í hverju fylkinu á fætur öðru samkvæmt grein ferðaritsins Conde Nast Traveler. Blaðamenn þar á bæ hafa því útbúið lista yfir þær tíu borgir í Kanada sem þeim þykja vinalegastar og fýsilegastar til búsetu fyrir Bandaríkjamenn sem deila ekki lífsskoðunum Trump.
Þess má geta að fjórar af þessum borgum eru hluti að leiðakerfi flugfélaganna hér á landi. Icelandair er eitt um flugið til Vancouver og Halifax sem eru í verðlaunasætum á lista Conde Nast Traveler en svo fljúga bæði Icelandair og WOW til Montréal og Toronto, tveggja fjölmennustu borga landsins.
Vinalegustu borgir Kanada
- Victoria
- Vancouver
- Halifax
- Quebec City
- Saint John
- Calgary
- Ottawa
- Toronto
- Winnipeg
- Montréal