Samfélagsmiðlar

Airbnb opnar fyrir kvartanir frá nágrönnum

Í dag fá næstum allir leigusalar á vef Airbnb hæstu einkunn en á því kann að verða breyting. Í dag fá næstum allir leigusalar á vef Airbnb hæstu einkunn en á því kann að verða breyting.
Af einkunnunum að dæma þá standa gistisalar á vef Airbnb sig framúrskarandi vel því 95 prósent þeirra eru með toppeinkunn (4,5 eða 5). Aðeins sárafáir eru með minna en 3,5 í meðaleinkunn en til samanburðar fá gistikostir á vef Tripadvisor að jafnaði 3,8. Þetta kemur fram í niðurstöðum rannsóknar sem framkvæmd var við Boston háskóla sl. vor. Ein ástæða fyrir þessum góðu dómum er talin vera sú að leigusalar Airbnb gefa líka gestum sínum einkunn. Leigutaki sem lætur óánægju sína í ljós á því á hættu að fá slæma umsögn um sig sjálfan og þar með minnka líkurnar á að viðkomandi fái aftur leigt í gegnum Airbnb. Leigusalar hunsi einfaldlega umsóknir frá þeim notendum sem ekki hafa verið ausnir lofi.

Nágrannar geta loks kvartað

Umsagnir á vef Airbnb gætu hins vegar tekið nokkrum breytingum á næstunni því forsvarsmenn fyrirtækisins hyggjast gefa nágrönnum kost á að setja inn athugasemdir við eignir sem leigðar eru út í nágrenni við þá. Ef slæm umgegni, partíhald eða eitthvað annað fer fyrir brjóstið á nágrönnunum þá fá þeir kost á að senda inn kvörtun til Airbnb sem gæti í framhaldinu haft áhrif á möguleika fólks til að leigja út eignir sínar samkvæmt frétt Jótlandspóstsins. Hingað til hafa ósáttir nágrannar ekki getað komið á framfæri óánægju sinni en telja má næsta víst að einhverjir eru ósáttir við að íbúðir í fjölbýlishúsum séu nýttar í skammtímaleigu líkt og nýr dómur hér á landi sýnir.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …