Samfélagsmiðlar

Ferðamannastraumurinn eykst hraðar en í fyrra

Mynd: Sigurjón Ragnar/sr-photos.com

Á fyrsta ársfjórðungi fjölgaði túristum hér á landi um meira en þriðjung og vægi Breta og Bandaríkjamanna hækkar. Á fyrsta ársfjórðungi fjölgaði túristum hér á landi um meira en þriðjung og vægi Breta og Bandaríkjamanna hækkar.
115.808 erlendir ferðamenn flugu frá Keflavíkurflugvelli í marsmánuði en þeir voru 83.855 á sama tíma í fyrra. Aukning nemur 38,1 prósenti sem er aðeins minni viðbót en varð í febrúar en í janúar nam hún nærri fjórðungi samkvæmt talningum Ferðamálastofu.
Fyrstu þrjá mánuði ársins komu samtals um 294 þúsund túristar eða 77 þúsund fleiri en á sama tíma í fyrra. Viðbótin nemur 35,5 prósentum. Til samanburðar nam aukningin á fyrsta ársfjórðungi í fyrra 31,4 prósentum. Ferðafólki á Íslandi fjölgar því hraðar í ár en á sama tíma í fyrra.

Háðari Bandaríkjunum og Bretlandi

Af þessum viðbótar 77 þúsund erlendu ferðamönnum sem hingað komu á fyrsta ársfjórðungi bættust við nærri 50 þúsund frá Bretlandi og Bandaríkjunum eða 64,5 prósent af heildaraukningunni. Mikilvægi þessara tveggja þjóða fyrir íslenska ferðaþjónustu heldur því áfram að aukast því fyrstu þrjá mánuðina í fyrra voru þeir 51,5 prósent af heildinni en hlutfallið í ár er 55 prósent.
Skýringin á þessari aukningu liggur m.a. í mun meira framboði á flugi héðan til landanna tveggja. Í mars í fyrra buðu til að mynda Delta og WOW ekki upp á beint flug héðan til Bandaríkjanna líkt og þau gera nú. Til Bretlands hefur ferðunum líka fjölgað, til dæmis með flugi British Airways frá Heathrow í London og í byrjun síðasta mánaðar fór Icelandair jómfrúarferð sína til Aberdeen. Sterkt gengi dollars og breska pundsins síðustu misseri hefur líka áhrif enda hefur eftirspurn eftir utanlandsferðum aukist nokkru meira í þessum tveimur löndum en annars staðar á Vesturlöndum samkvæmt alþjóðlegum samanburði. Það kemur íslensku ferðaþjónustunni til góða en á sama tíma verður hún ennþá háðari ferðamannastraumnum frá Bandaríkjunum og Bretlandi.

Meira en tvöfalt fleiri Spánverjar

Það vekur einnig athygli að í mars þá komu hingað nærri sautján hundruð Spánverjar en þeir voru rúmlega sjö hundruð í mars í fyrra. Aukningin nemur 133,4 prósentum og liggur skýringin líklega í bættum flugsamgöngum milli meginlands Spánar og Íslands yfir páskana. Í mars í fyrra voru aðeins 4 ferðir farnar héðan til Barcelona og Alicante en þær voru fjórum sinnum fleiri í síðasta mánuði eða 16 talsins. Svisslendingum fjölgaði einnig á ný í mars eftir að áætlunarflug milli Íslands og Sviss hófst á ný eftir að hafa legið niður í vetur. Það hafði þau áhrif að ferðamönnum þaðan fækkaði um helming. En þó ekki sé flogið héðan til Japan eða Kína þá heldur ferðamönnum þaðan að fjölga verulega á milli ára. 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …