Samfélagsmiðlar

Ódýrasta flugið til London og Kaupmannahafnar í maí ekki verið lægra

london louis llerena

Vorfargjöldin á niðurleið en minni sveiflur í sumarfjargjöldunum. Ef stefnan er sett á heimsókn til höfuðborga Bretlands og Danmerkur eftir fjórar vikur þá kostar farið þangað í dag miklu minna en fyrir fjórum árum. Minni sveiflur í sumarfargjöldunum.
Sá sem pantar í dag flugsæti frá Íslandi til London eftir fjórar vikur getur fundið farmiða sem kostar 43 prósent minna en sá sem var í sömu sporum fyrir fjórum árum síðan. Þá bauð easyJet best eða 39.921 kr. fyrir miða báðar leiðir. Breska lággjaldafélagið er aftur í dag ódýrasti kosturinn en núna kostar farmiðinn með félaginu 22.317 krónur. Fargjöld Icelandair og WOW hafa einnig farið lækkandi á milli ára eins og sjá má á grafinu hér fyrir neðan. 
Ódýrustu miðarnir til Kaupmannahafnar upp úr miðjum maí (vika 20) eru líka mun hagstæðari í dag en þeir voru vorið 2012. Þá kostaði minnst með Iceland Express eða 45.558 kr. en í dag er lægsta fargjaldið nærri 29 þúsund krónur með WOW air. Athygli vekur að ódýrustu miðarnir með Icelandair til Kaupmannahafnar eftir fjórar vikur eru þriðjungi ódýrari en þeir voru 19. apríl 2012. Þróun fargjalda til Óslóar er önnur en almennt hefur verð þangað líka lækkað.

Minni eftirspurn á vorin

Frá því að Túristi hóf að fylgjast með farmiðaverði á þessum þremur flugleiðunum í ársbyrjun 2012 þá hafa flugfélögin öll aukið tíðni ferða til borganna þriggja og ný félög bæst í hópinn. Nú síðast SAS með daglegu flugi hingað frá Kaupmannahöfn. Fjöldi ferða í maí er álíka mikill og í sumar en þá er hins vegar mun meiri eftirspurn eftir flugsætum og þá eru líka fargjöldin mun hærri eins og sjá má á neðra grafinu hér fyrir neðan. Ódýrustu farmiðarnir hjá British Airways og easyJet til London um miðjan júlí kosta t.d. meira en tvöfalt meira þá en núna í maí. Fargjöldin hjá Icelandair og WOW til London og Kaupmannahafnar eru líka mun hærri í júlí en í maí. 
Þess ber að geta að farangursgjöld eru tekin með inn í farmiðaverðið í könnunum Túrista.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …