Dregur úr þjófnaði úr innrituðum farangri íslenskra farþega

Þó ferðataskan skili sér á færibandið er ekki víst allt það sem fór ofan í hana sé þar ennþá við ferðalok. Þó ferðataskan skili sér á færibandið er ekki víst allt það sem fór ofan í hana sé þar ennþá við ferðalok.
Því miður komast stundum fingralangir einstaklingar í ferðatöskurnar okkar á þeim tíma líður frá því að við skilum þeim af okkur við innritun í flugstöðinni og þar til að þær birtast á ný á farangursbeltinu á áfangastað.
Á síðasta ári bárust til að mynda tryggingafélögunum Sjóva og Vís samanlagt tæplega þrjátíu tilkynningar um þess háttar tjón. Það er álíka fjöldi og árið á undan þrátt fyrir að utanferðum Íslendinga hafi fjölgað um 12,6 prósent á síðasta ár samkvæmt talningu Ferðamálastofu.

Engin flugstöð sker sig úr

Út frá markaðshlutdeild Sjóvá og Vís má álykta að stolið hafi verið úr vel innan við hundrað ferðatöskum í eigum íslenskra flugfarþega í fyrra en samtals flugu 450 þúsund íslenskir farþegar frá Keflavíkurflugvelli í fyrra. Líkurnar á að verða fyrir svona tjóni eru því mjög litlar.
Samkvæmt upplýsingum frá tryggingafélögunum er ekki hægt að greina mun á fjölda tilfella eftir því hvort flogið er til og frá Íslandi eða milli tveggja erlendra flugvalla.

Verðmæti í handfarangurinn

Þó stuldur úr innrituðum farangri sé fátíður þá getur borgað sig fyrir flugfarþega að taka það allra verðmætasta með sér í handfarangri. Sama gildir um hluti sem ekki er hægt að vera án í ferðalaginu ef taskan skildi ekki skila sér á réttum tíma eða týnast.

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.