Samfélagsmiðlar

Sala á jólaferðum til Tenerife fer vel af stað

tenerife stor

Þrátt fyrir að framboð á ferðum til spænsku eyjunnar hafi tvöfaldast nýliðinn vetur þá eru forsvarsmenn ferðaskrifstofanna ánægðir með vertíðina og ætla að bæta enn meiru við en WOW dregur saman enn sem komið er. Þrátt fyrir að framboð á ferðum til spænsku eyjunnar hafi tvöfaldast nýliðinn vetur þá eru forsvarsmenn ferðaskrifstofanna ánægðir með vertíðina og ætla að bæta enn meiru við en WOW dregur saman enn sem komið er.
Það sem af er ári hafa mánaðarlega verið sæti fyrir þrjú þúsund farþega í þotunum sem fljúga héðan til Tenerife. Þetta er um tvöfalt meira framboð en á sama tíma í fyrra og í boði hafa verið fjórar brottfarir í hverri viku, tvær á vegum WOW air og tvær á vegum stærstu ferðaskrifstofa landsins. Áður en WOW hóf áætlunarflug til eyjunnar í mars í fyrra þá takmarkuðust samgöngurnar þangað við leiguflug ferðaskrifstofanna.

Veturinn kom vel út

Þrátt fyrir þessa miklu aukningu þá eru forsvarsmenn ferðaskrifstofanna ánægðir með veturinn og ætla að bæta í fyrir þann næsta. „Sala á ferðum til Tenerife gekk mjög vel í vetur og okkur tókst ekki að anna eftirspurn. Vegna þessarar miklu eftirspurnar hefur VITA stóraukið framboð og verður t.d. með þrjár jólaferðir. Við höfum einnig bætt við flugi vikulega til Tenerife og Gran Canaría allan næsta vetur og prógrammið á báða þessa staði var sett í sölu 2 mánuðum fyrr en á síðasta ári“, segir Guðrún Sigurgeirsdóttir, framleiðslustjóri VITA, aðspurð um áhrif þessa stóraukna framboðs á Tenerife ferðum síðustu mánuði. Hún bætir því við að nú þegar sé nánst uppselt í jólaferðirnar þrjár.
Hjá Heimsferðum verður brottförum til Tenerife líka fjölgað úr einni í tvær í byrjun næsta árs. „Veturinn kom vel út og salan góð. Það var því ákveðið að fjölga ferðum í febrúar, mars og apríl á næsta ári,“ segir Tómas J. Gestsson, framkvæmdastjóri Heimsferða.

WOW býður með að fjölga ferðum

Sem fyrr segir þá var nýtt áætlunarflug WOW air til Tenerife ástæðan fyrir því að framboð á ferðum þangað jókst svona mikið í vetur. Í flugáætlun félagsins fyrir næsta vetur er hins vegar aðeins gert ráð fyrir einni ferð í viku til Tenerife en ekki tveimur líkt síðustu mánuði. Svanhvít Friðriksdóttir, upplýsingafulltrúi WOW, segir hins vegar ekki útilokað að fleiri ferðum til Tenerife verði bætt við síðar meir. Og þess er kannski ekki langt að bíða því að sögn Þórs Bæring, framkvæmdastjóri Gaman ferða, systurfélags WOW, þá fer sala á ferðum til eyjunnar vel af stað. „Fólk er þegar byrjað að bóka fyrir næsta vetur og meðal annars jólin. Ef þetta heldur áfram svona þá munum við mjög líklega þurfa að bæta við vél til Tenerife næsta vetur,“ segir Þór Bæring.
Auk allra þessara ferða til Tenerife þá bjóða ferðaskrifstofurnar og WOW air einnig upp á ferðir til Kanarí (Cran Canaría). Þar sem ferðamannastraumur frá þessum spænsku eyjum hingað til lands er mjög lítill þá eru það aðeins íslenskir farþegar sem nýta sér samgöngurnar en á flestum öðrum flugleiðum frá Keflavíkurflugvelli eru það erlendir ferðamenn og skiptifarþegar sem skipa flest sætin.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …