Samfélagsmiðlar

Breiðþoturnar kalla á breytingar í flugstöðinni

kef taska 860

Stækkun á farangurskerfi Keflavíkurflugvallar hægri á afgreiðslunni næstu daga og farþegar því beðnir um að mæta fyrr í flugið. Stækkun á farangurskerfi Keflavíkurflugvallar hægri á afgreiðslunni næstu daga og farþegar því beðnir um að mæta fyrr í flugið.
Í vor tók Icelandair í notkun Boeing 767 breiðþotur með sæti fyrir 262 farþega og á næstu dögum bætast enn stærri Airbus 330 þotur við flota WOW air. Svona stórar flugvélar hafa hingað til ekki verið notaðar í reglulegu flugi til og frá landinu og þessi straumhvörf kalla á breytingar á farangursflokkunarkerfi Flugstöðvar Leifs Eiríkssonar. Nú er til að mynda unnið að stækkun farangurssalarins og það hægir á afköstunum og út þessa viku eru farþegar því beðnir um að mæta í flugstöðina þremur tímum fyrir brottför. Tímasetning framkvæmdanna vekur athygli þar sem flugumferð til og frá landinu er núna að ná hámarki. Guðni Sigurðsson, upplýsingafulltrúi Isavia, segir hins vegar að ekki hafi verið hægt að flýta eða seinka framkvæmdum. Undirbúningur hafi staðið yfir frá því í maí í fyrra þegar Icelandair tilkynnti um kaup sín á tveimur breiðþotum og stækka þurfi farangurssalinn núna því annars hefði núverandi kerfi valdið töfum í allt sumar. Meðal annars vegna þess að í breiðþotur eru settir sérstakir farangursgámar en þeir komast ekki inn í flugstöðina eins og hún er í dag. Því er verið að stækka farangurssalinn og auka afköst flokkunarkerfisins svo það geti afgreitt þotur með meira en 300 farþega. Að sögn Guðna þá er eðlilegur framkvæmdatími á svona verkefni um 18 mánaður en verkið hefur gengið vonum framar. 

Frítt í 2:15 rútuna

Sem fyrr segir eru þeir sem eru á leið í flug í 1.-3. júní beðnir um að mæta í flugstöðina þremur tímum fyrir brottför og býður Isavia farþegum frí sæti í fyrstu rúturnar sem leggja af stað frá Reykjavík þessa daga. Þær fara klukkan 2:15, annars vegar rúta Kynnisferða frá BSÍ og hins vegar rúta Grayline frá Holtagörðum.
Hér fyrir neðan má sjá myndband þar sem Hlynur Sigurðsson, framkvæmdastjóri Flugstöðvar Leifs Eiríkssonar, segir frá breytingum á farangurskerfinu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …