Samfélagsmiðlar

Færri Íslendingar til Berlínar þrátt fyrir fleiri ferðir

berlin sumar

Á fyrsta ársfjórðungi í fyrra fjölgaði íslenskum túristum í Berlín um ríflega sextíu prósent en þeim fækkaði heldur í ár. Á fyrsta ársfjórðungi í fyrra fjölgaði íslenskum túristum í Berlín um ríflega sextíu prósent en þeim fækkaði heldur í ár. Þeir sem heimsóttu borgina dvöldu samt lengur.
Í vetur hefur þýska flugfélagið Airberlin flogið héðan beint til höfuðborgar Þýskalands en árin á undan var WOW eina félagið sem bauð upp á reglulegar áætlunarferðir til borgarinnar allt árið kring. Þrátt fyrir þessar auknar flugsamgöngur fækkaði íslensku ferðafólki í borginni um 17,4 prósent á fyrsta ársfjórðungi en á sama tíma í fyrra nam aukningin hins vegar 61,7 prósentum. Sveiflurnar eru því miklar en allt árið í fyrra flugu nærri 11 þúsund íslenskir farþegar til Berlínar sem er viðbót um rúman fjórðung frá árinu 2014. 

Lengri Berlínarreisur

Eins og gefur að skilja þá dróg verulega úr kaupum Íslendinga á hótelherbergjum í þýska höfuðstaðnum í byrjun árs eða um nærri tíund. Íslenskum hótelgestum fækkaði sem sagt hlutfallslega minna en íslenskum farþegum í borginni og ástæðan er sú að þeir sem fóru til Berlínar á fyrsta ársfjórðungi í ár gistu þar að jafnaði 3,2 nætur en meðaldvölin á sama tíma í fyrra var 2,9 nætur samkvæmt upplýsingum frá ferðamálaráði borgarinnar. Þeir sem keyptu gistingu á vegum Airbnb eru ekki taldir með í þessum tölum ein eins og fram hefur komið þá hafa borgaryfirvöld í Berlín sett nýjar reglur sem eiga að takmarka mjög rétt íbúðaeigenda til að leigja út til ferðamanna. Dómstólar í landinu hafa nýverið staðfest rétt borgarinnar til að setja þannig reglur. Hvort það verði til þess að hótelgisting í Berlín verði dýrari á eftir að koma í ljós en það stefnir alla vega í verulegan samdrátt í umsvifum Airbnb þar í borg.
VEGVÍSIR FYRIR BERLÍN

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …