Samfélagsmiðlar

Helst illa á starfsmönnum í vopnaleit

detroit flugvollur Augusto Navarro

Það eru ekki bara flugfarþegar sem láta vopnaleit á flugvöllum fara í taugarnar á sér. Öryggisverðirnir sjálfir hverfa líka reglulega til annarra starfa, alla vega vestanhafs. Það eru ekki bara flugfarþegar sem láta vopnaleit á flugvöllum fara í taugarnar á sér. Öryggisverðirnir sjálfir hverfa líka reglulega til annarra starfa, alla vega vestanhafs.
Það er svo mikill skortur á öryggsvörðum á bandarískum flugvöllum að það stefnir í örtöð við vopnaleitina á fjölförnustu flugstöðvunum í sumar. Sumsstaðar hafa farþegar beðið í 2 til 3 tíma við leitina og það hefur haft þær afleiðingar að margir missa af fluginu sínu samkvæmt frétt USA Today. Ástæðan fyrir þessu ástandi er sú að Samgönguöryggisstofnun Bandaríkjanna (TSA) helst illa á starfsfólki og árlega segir einn af hverjum tíu öryggisvörðum stofnunarinnar upp vinnunni sinni. Skrifast þetta ekki bara á kjörinn heldur líka vinnuna sjálfa sem mörgum þykir einhæf.

Hækka yfirvinnutaxta

Til að ráða bóta á þessu ástandi hefur bandaríska þingið samþykkt að auka útgjöld til málaflokksins og gera þannig TSA kleift að ráða fleira fólk í vinnu og hækka laun fyrir aukavinnu. Samkvæmt frétt USA Today er nú tæplega 800 nýir öryggisverðir í þjálfun þessa dagana en hins vegar er talin þörf fyrir hátt í sex þúsund nýja verði til að standa vaktina við vopnarleitarhliðin vestanhafs.

Verkfall í Ósló

Það eru hins vegar ekki bara bandarískir flugvallarverðir sem eru ósáttir við kjörin sín því á föstudag er útlit fyrir að á föstudaginn leggi kollegar þeirra í Ósló niður vinnu. Ef til þess kemur mun allt flug frá Ósló stöðvast en tekið verður á móti vélum. Það verður hins vegar að teljast ólíklegt að flugfélög fljúgi til Óslóar með fullar þotur en haldi tilbaka með þær tómar. 

Hvernig verður ástandið hér heima?

Síðastliðið sumar mynduðust ósjaldan langar raðir við vopnaleitina í Flugstöð Leifs Eiríkssonar en það skrifast ekki aðeins á mikinn fjölda farþega heldur líka þá staðreynd að verið var að taka í notkun ný öryggishlið og þjálfa nýja starfsmenn. Gert er ráð fyrir mun betra ástandi næstu mánuði en forsvarsmenn flugvallarins hvetja hins vegar farþega til að mæta tímanlega í flug og hefst innritun nú tveimur og hálfum tíma fyrir brottför.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …