Samfélagsmiðlar

Verðsamanburður á aðventuferðum til New York

newyork loft Troy Jarrell

Yfir vetrarmánuðina hefur Icelandair verið eina flugfélagið með áætlunarferðir til New York en núna verða félögin hins vegar þrjú. Nokkur munur er á fargjöldunum í vikunum fram að jólum. Yfir vetrarmánuðina hefur Icelandair verið eina flugfélagið með áætlunarferðir til New York en núna verða félögin hins vegar þrjú. Nokkur munur er á fargjöldunum í vikunum fram að jólum.
Í byrjun sumars tilkynntu forsvarsmenn bandaríska flugfélagsins Delta að nú myndi þetta stærsta flugfélag í heimi fljúga allt árið um kring til Íslands frá New York. Þar með var Icelandair ekki lengur eina flugfélagið á þessari flugleið yfir vetrarmánuðina. Í gær hóf svo WOW air sölu á flugi til New York og verður jómfrúarferð félagsins farin í lok nóvember. Þeir sem ætla sér að heimsækja heimsborgina fyrir jól geta því valið á milli ferða þriggja flugfélaga, þó ekki alla daga vikunnar þar sem Delta flýgur ekki daglega líkt og íslensku flugfélögin gera. Alla föstudaga fljúga félögin þrjú hins vegar út og tilbaka til Íslands á mánudögum og þá lent árla dags á þriðjudegi við Keflavíkurflugvöll. Þegar borin eru saman ódýrustu fargjöld félaganna þriggja þessa vikudaga á aðventunni kemur í ljós að íslensku félögin bjóða til skiptist ódýrustu fargjöldin á meðan farið með Delta er hærra. Þess ber að geta að farangurs- og bókunargjaldi WOW air er bætt við fargjöld félagsins. Farþegar Delta geta tekið með sér eina tösku án aukaþóknunar en farþegar Icelandair tvær.
Smelltu hér til að gera verðsamanburð á gistingu í New York

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …