Samfélagsmiðlar

Airberlin bætir í vetrarflugið til Íslands

airberlin 860

Fyrsti vetur Airberlin hér á landi gekk vel og forsvarsmenn félagsins ætla því að starfrækja tvær heilsárs flugleiðir til Keflavíkurflugvallar. Fyrsti vetur Airberlin hér á landi gekk vel og forsvarsmenn félagsins ætla því að starfrækja tvær heilsárs flugleiðir til Keflavíkurflugvallar.
Næststærsta flugfélag Þýskalands hefur boðið upp á sumarferðir til Íslands síðustu 11 ár en það var í fyrsta sinn í fyrra að þotur félagsins sáust við Flugstöð Leifs Eiríkssonar að vetrarlagi. Þá var flogið tvær ferðir í viku héðan til Tegel flugvallar í Berlín og var Airberlin þar með fyrsta þýska flugfélagið til að bjóða upp á Íslandsflug utan aðalferðamannatímabilsins. Viðtökurnar við Berlínarferðunum síðastliðinn vetur voru hins vegar það góðar, að sögn Theresa Kahn, talsmanns Airberlin, að nú hafa forsvarsmenn Airberlin ákveðið að fljúga einnig til Íslands allt árið um kring frá Dusseldorf. En hingað til hafa farþegar á Keflavíkurflugvelli aðeins getað flogið til þýsku borgarinnar yfir sumarmánuðina og þá með Eurowings, WOW auk Airberlin.

Flugsætin seljast vel

Sala á flugi Airberlin milli Keflavíkurflugvallar og Dusseldorf í vetur fer mjög vel af stað samkvæmt Theresa Kahn og hún segir útlitið því vera gott fyrir þessa nýju heilsársflugleið félagsins á Íslandi. En líkt og í Berlínarflugi Airberlin verður flogið tvisvar í viku hingað til lands frá Dusseldorf, alla fimmtudaga og sunnudaga sem hentar vel fyrir helgarferðir frá Þýskalandi og Íslandi.
Í Berlín og Dusseldorf eru aðalstarfstöðvar Airberlin og farþegar geta því flogið áfram með félaginu út um víða veröld á einum miða. Þess má geta að WOW air flýgur einnig allt árið til Berlínar.
SMELLTU TIL AÐ SKOÐA HÖNNUNARHÓTEL Í BERLÍN OG DUSSELDORF

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …