Samfélagsmiðlar

Borgirnar þar sem flestir túristar nota Tinder

stefnumot Michael Ramey

Ferðafólk sem vill komast í kynni við heimamenn getur nýtt sér stefnumótaappið Tinder og þá ekki eingöngu til að stofna til rómantískra kynna.
Einhleypt fólk í makaleit kannast sennilega flest við Tinder forritið sem getur auðveldað notandanum að finna fleiri sem eru í sömu hugleiðingum. Fyrir ári síðan hleyptu forsvarsmenn Tinder af stokkunum nýju appi sem kallast Tinder Passport og er það hugsað fyrir túrista sem vilja blanda geði við íbúanna sjálfa. Ferðalagið verður nefnilega oft mun innihaldsríkara ef við fáum smá innsýn inn í líf heimamanna og þannig minnka líka líkurnar á að við lendum í leiðinlegum ferðamannagildrum sem því miður eru lagðar fyrir ferðalanga út um allar trissur. 
Sem fyrr segir hefur þetta túrista Tinder verið í loftinu í eitt ár og samkvæmt frétt bandaríska ferðaritsins Travel&Leisure þá hefur það náð mikilli útbreiðslu og til að mynda eru þessar vikurnar margir áhugasamir um að komast í kynni við heimamenn í Rio de Janeiro en þar fara einmitt ólympíuleikarnir fram í næsta mánuði. Ríó er hins vegar aðeins í sjöunda sæti á listanum yfir þær 15 borgir sem notkunin á Tinder Passport er mest. 

Staðirnar sem flestir nota Tinder Passport:

  1. London
  2. París
  3. New York
  4. Berlín
  5. Moskva
  6. Stokkhólmur
  7. Rio de Janeiro
  8. Sydney
  9. Barcelona
  10. Buones Aires
  11. Melbourne
  12. Los Angeles
  13. Auckland
  14. Dublin
  15. Róm

Að lokum má þess geta að flogið er beint frá Keflavíkurflugvelli til 9 af þeim borgunum fimmtán.

Nýtt efni

Fyrr á þessu ári kynnti fyrirtækið til sögunnar Precious Honeyglow anansinn sem er aðeins um 600 1000 grömm að þyngd eða um það bil helmingi minni en hefðbundinn ananas.Í fréttatilkynningu frá fyrirtækinu segir að það kappkosti ávallt að uppfylla óskir kaupenda, hvort sem þær eru um sætara bragð, sjálfbærnisjónarmið og nú – stærð. Hið nýja …

Tekjur Icelandair af farþegaflugi námu rúmlega 27 milljörðum króna á fyrsta fjórðungi ársins og hafa þeir aldrei verið hærri á þessum tíma árs. Sætaframboðið hefur heldur aldrei verið meira en það jókst það um 21 prósent á milli ára og var farþegahópurinn 14 prósent fjölmennari núna en fyrstu þrjá mánuðina í fyrra. Þá stóðu farþegar …

Það seldust 183 þúsund Volvo bílar á fyrsta fjórðungi ársins sem var aukning um 12 prósent frá sama tíma í fyrra. Engu að síður dróst veltan saman um 2 prósent og rekstrarafkoman (Ebit) nam 4,7 milljörðum sænskra króna eða 61 milljarði kr. Það er töluvert undir spá greinenda sem höfðu að jafnaði gert ráð rekstrarhagnaði …

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …