Samfélagsmiðlar

Ný flugleið til Ítalíu opnar næsta sumar

trieste castello Miramare photo marco milani

Þó sumarið sé tæplega hálfnað þá er nú þegar hægt að bóka flugsæti með Primera Air næsta sumar. Þar á meðal til ítölsku borgarinnar Trieste, skammt frá Feneyjum. Þó sumarið sé tæplega hálfnað þá er nú þegar hægt að bóka flugsæti með Primera Air næsta sumar. Þar á meðal til ítölsku borgarinnar Trieste, skammt frá Feneyjum.
Ítalía er eitt vinsælasta ferðamannaland Evrópu en þrátt fyrir það er framboð á áætlunarflugi þangað frá Íslandi lítið og hefur takmarkast við sumarflug til Mílanó og Rómar. Á þessu verður breyting næsta sumar þegar þotur Primera Air munu á þriðjudagsmorgnum fljúga frá Keflavíkurflugvelli til Trieste sem er í norðausturhluta Ítalíu. Jómfrúarferðin verður farin 30. maí og síðasta heimflugið til Íslands er 29. ágúst. Ódýrasta farið, báðar leiðir, kostar í dag 52.990 kr. samkvæmt athugun Túrista en borga þarf 4.900 kr. aukalega fyrir farangur hvora leið.  

Sólbrúnir og kaffiþyrstir Triestini

Frá flugvellinum í Trieste tekur aðeins tæpan einn og hálfan tíma að keyra til Feneyja svo dæmi sé tekið. Trieste sjálf hefur einnig sótt í sig veðrið sem áfangastaður ferðamanna og oft kölluð „Litla Vín við hafið“. Ástæðan er sú að byggingarstíll borgarinnar minnir um margt á höfuðborg Austurríki enda tilheyrði Trieste grönnum sínum í norðri fram að fyrri heimstyrjöld. Íbúar borgarinnar, hinir svokölluðu Triestini, bera því margir ættarnöfn sem eru algengari í löndum Mið-Evrópu en í suðurhlutanum. En vegna þess hve sólríkt er á þessum slóðum hefur því verið haldið fram að hvergi á Ítalíu sé að finna sólbrúnna fólk en einmitt í Trieste. Þar hefur svo kaffiinnflutningur og framleiðsla blómstrað um langt skeið og þaðan kemur til að mynda kaffimerkið Illy.   

Örstutt til nágrannanna

Staðsetning Trieste er sérstök því borgin er á landræmu sem er aðeins nokkrir kílómetrar á breiddina þar sem hún er mjóst. Og frá miðborg Trieste eru aðeins 10 kílómetrar að landamærum Slóveníu og það tekur aðeins rúman klukkutíma að keyra þaðan til Ljubliana. Þessi nýja flugleið auðveldar hins vegar ekki bara aðgengið að Slóveníu fyrir íslenska túrista heldur líka Króatíu en þangað eru aðeins um 35 kílómetrar frá ítölsku borginni. 

Fjórir spænskir áfangastaðir líka komnir í sölu

Primera Air, sem er systurfélag ferðaskrifstofunnar Heimsferða, hefur síðustu ár aukið framboð sitt á ferðum frá Íslandi og samkvæmt upplýsingum frá Anastasija Visnakova, framkvæmdastjóra sölu-og markaðsmála Primera Air, þá hefur félagið nú þegar hafið sölu á flugi sínu frá Íslandi næsta sumar. Á nýrri heimasíðu Primera Air er því í dag hægt að bóka flug til Alicante, Tenerife, Barcelona og Malaga auk Trieste.
Með ódýrustu fargjöldum Primera Air fylgir aðeins handfarangur en borga þarf 4.900 krónur fyrir að innrita töskur. Einnig er hægt að velja dýrari farmiða þar sem farangur, sætisval, matur og jafnvel breytingar eru innifaldar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …