Samfélagsmiðlar

Fótboltaferðir vetrarins seljast vel þrátt fyrir EM

fotboltavollur liane metzler

Það er ekki útlit fyrir að fólksflutningarnir til Frakklands síðustu vikur hafi dregið úr áhuga fólks á fótboltaferðum til Englands í vetur. Það er ekki útlit fyrir að fólksflutningarnir til Frakklands síðustu vikur hafi dregið úr áhuga fólks á fótboltaferðum til Englands í vetur.
Í júní flugu 67 þúsund íslenskir farþegar til útlanda sem er miklu meiri fjöldi en áður hefur mælst í einum mánuði frá því að talningar Ferðamálastofu á Keflavíkurflugvelli hófust. Óhætt er að fullyrða að þátttaka íslenska karlalandsliðsins í EM í Frakklandi sé helsta ástæðan fyrir þessari einstöku ferðagleði landans enda fengu Íslendingar úthlutaða tugþúsundir miða á leiki liðisins í riðlakeppninni sem hófst 14.júní. Margir sóttu einnig leikina gegn Englendingum og Frökkum í sextán og átta liða úrslitum.

Stórstjörnu trekkja að

Þrátt fyrir allar þessar Frakklandsreisur í sumar þá hefur sala á fótboltaferðum fyrir veturinn farið vel af stað að sögn Þórs Bærings Ólafssonar hjá Gaman-ferðum sem sérhæfir sig m.a. í boltaferðum til Bretlands. „Við fundum fyrir samdrætti síðasta vor en tímabilið hefur farið ótrúlega vel á stað hjá okkur og salan framar vonum.“ Þór Bæring telur þennan mikla áhuga m.a. skrifast á nýja liðsmenn ensku liðanna. „Það eru stórar stjörnur á leið í enska boltann eins og til dæmis að Zlatan Ibrahimovic og Henrikh Mkhitaryan til Manchester United, Granit Xhaka til Arsenal, Sadio Mane til Liverpool og Ilkay Gundogen til Manchester City. Það er alltaf mikil eftirvænting í kringum nýja leikmenn. Svo er auðvitað Jose Mourinho tekinn við liði Manchester United og Pep Guardiola við liði Manchester City þannig að það er meiri spenna í fólki núna en síðustu sumur sýnist mér.“

Útlit fyrir ódýrari fótboltaferðir

Á þessum tíma fyrir ári síðan þá kostaði eitt breskt pund 206 krónur en síðan þá hefur pundið fallið um 23 prósent og kostar núna 159 krónur. Þar með kostar minna mun minna, í krónum talið, að bóka gistingu í Bretland, heimsækja veitingastaði og fara á völlinn. Eins gætu fargjöld milli Íslands og Bretlands lækkað þar sem veiking pundsins er talin líkleg til að draga úr utanlandsferðum Breta. Þar með myndi eftirspurn eftir flugsætum minnka, þar á meðal til Íslands en í dag er flogið allt árið um kring til Íslands frá ellefu breskum flughöfnum, þar af fjórum á Lundúnarsvæðinu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …