Samfélagsmiðlar

Baksviðs á rómaðri pizzeríu í Róm

bonci rom

Það eru ófáir sælkerarnir sem hafa fullyrt að bestu pizzur í heimi komi úr eldhúsinu á Bonci Pizzarium í Rómarborg. Hér er skyggnst á bak við tjöldin á þessari marglofuðu pizzeríu.
Hin ítalska flatbaka hefur fyrir löngu sigrað heiminn og hana má kaupa í flestum ef ekki öllum byggðum bólum á Vesturlöndum. Ef ekki nýbakaða þá alla vega frosna í kjörbúðinni. Því miður hefur þessi mikla útbreiðsla gert það að verkum að alltof víða eru pizzurnar bakaðar úr brimsöltu verksmiðjudeigi sem er toppað með ofkryddaðri sósu, bragðlitlu áleggi og tyggjóosti. Afraksturinn er skammarlegur skyndibiti sem á ekki pizzuheitið skilið. Alla vega ekki þegar hann er borinn saman við það sem kemur úr ofnunum á pizzeríunum þar sem fagmenn vinna úr góðu hráefni. Blessunarlega eru þess háttar pizzeríur víða að finna og þar gengur maður frá borðum mettur en ekki með útblásinn maga og sárþyrstur. 
Rómarbúinn Gabriele Bonci er einn þessa metnaðarfullu og pizzurnar hans þykja svo góðar að hann hefur verið kallaður „Michelagelo pizzunnar“ og fullyrt að hvergi séu sneiðarnar betri en á Bonci Pizzarium, skammt frá Vatíkaninu í Róm (Via della Meloria 43). Bonci er ekki veitingahús heldur meira eins og skyndibitastaður þar sem seldar eru sneiðar (kosta um 350kr) og hressing með. Það er opið alla daga frá hálf níu að morgni til hálf níu að kveldi en mánudaga, þriðjudaga og miðvikudaga er lokað frá kl.15 til 17. Hér fyrir neðan má sjá myndband af pizzugerðinni hjá Bonci

– Til höfuðborgar Ítalíu er flogið reglulega frá Íslandi yfir sumarmánuðina, annars vegar á vegum WOW og hins vegar Vueling.

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …