Í lok mánaðar verður Sigur rós aðalnúmerið á stórri tónleikahátið í Stokkhólmi. Skoska hljómsveitin Mogwai var að bætast við dagskrána. Í lok mánaðar verður Sigur rós aðalnúmerið á stórri tónleikahátið í Stokkhólmi. Skoska hljómsveitin Mogwai var að bætast við dagskrána.
Tónleikahátíð Stockholm Music&Arts fer árlega fram á hinum fallega Skeppsholmen í miðborg sænsku höfuðborgarinnar. Á dagskránni eru vanalega heimsþekktir listamenn sem oftar en ekki hafa verið í bransanum um nokkuð langt skeið. Íslenska hljómsveitin Sigur rós uppfyllir þau skilyrði leikandi enda hefur hún verið starfandi í nærri tvo áratugi og fyllt tónleikasali út um víða veröld alla þessa öld. Og laugardaginn 30. júlí verður Sigur rós aðalnúmerið á þessari sænsku tónlistarhátið sem fer fram síðustu helgina í júlí. Sama dag mun einnig John Grant spila og svo var hljómsveitin Mogwai frá Skotlandi að bætast við listann. Meðal annarra listamanna sem koma fram á Stockholm Music&Arts eru Rufus Wainwright, Ms Lauryn Hill, Cat Power, Kraftwerk, Air og Joan Baez. Meðlimir Sigur rósar verða þó ekki einu Íslendingarnar sem stiga á svið í Stokkhólmi því John Grant ásamt hálfíslenskri hljómsveit sinni er á dagskrá á sunnudag. Aðgöngumiði á alla daga hátíðarinnar kostar 1650 sænskar (23.400 kr) en dagspassi er á um 10.600 íslenskar.
Áhugasamir geta bókað beint flug til Stokkhólms með Icelandair og WOW air en vélar þess síðarnefnda lenda reyndar í Västerås sem er um 100 kílómetrum frá miðbæ höfuðborgarinnar. Samkvæmt athugun Túrista kostar ódýrasta farið með Icelandair, dagana í kringum hátíðina, um 55 þúsund með Icelandair en 26 þúsund með WOW en þar þarf að borga fyrir farangur.
—
Yfir sumarið og um helgar býður Arlanda Express ódýrari miða milli Arlanda flugvallar og Stokkhólms. Sjá hér.