Innblástur

Fargjöld allra til Kaupmannahafnar og London lækka

Þeir sem bóka í dag far til höfuðborga Danmerkur og Bretlands eftir fjórar og tólf vikur borga minna en þeir sem voru í sömu sporum fyrir ári síðan. Farmiðar til Óslóar standa í stað.

13. ágúst 2016

Fjögur flugfélög munu fljúga daglega héðan til Lundúna frá og með lokum október og þessi aukni ferðafjöldi virðist hafa áhrif á farmiðaverðið því lægstu fargjöld þessara flugfélaga í byrjun nóvember eru í dag lægri en þau voru á sama tíma í fyrra.

Hjá easyJet kostar ódýrasti miðinn rúmar 16 þúsund, báðar leiðir, en var 10 þúsund krónum dýrari í fyrra. Lækkunin er jafn mikil hjá British Airways og Icelandair en hjá WOW hefur ódýrasta farið lækkað um 4 þúsund krónur eins og sjá má á neðra súluritinu hér fyrir neðan.

Flugsætin til bresku höfuðborgarinnar í annarri viku september eru ögn ódýrari en í fyrra og til Kaupmannahafnar má einnig komast fyrir minna núna en á sama tíma síðustu fimm ár. Farið til Óslóar kostar hins vegar álíka og í fyrra samkvæmt þessum mánaðarlegu verðkönnunum Túrista sem framkvæmdar hafa verið frá árinu 2012.

Fréttir

Bókunarflæðið að jafna sig eftir skjálfta

Undir lok síðasta mánaðar sáu stjórnendur Icelandair sig tilknúna til að vara fjárfesta við neikvæðum áhrifum jarðhræringa á Reykjanesi á bókanir. Í dag hefur ástandið ekki eins mikið að segja því í nýrri tilkynningu er haft eftir Boga Nils Bogasyni, forstjóra Icelandair, að „einhverra áhrifa gæti enn til skemmri tíma á bókanir og tekjur en … Lesa meira

Fréttir

Túristi fær nýtt nafn

Fljótlega breytist Túristi í FF7 – Frásagnir og fréttir alla daga og klæðist nýjum búningi. Áfram verða ferðamál í öndvegi en leitað fanga víðar, birtar frásagnir og fréttir af umsvifum fólks og fyrirtækja – og einfaldlega sagt frá því sem fólk gæti haft gaman af að lesa. Ritstjórar FF7 verða Kristján Sigurjónsson (útgefandi og ábyrgðarmaður) … Lesa meira

Fréttir

Grænlendingar auka innheimtu gjalda af skemmtiferðaskipum

Grænlenska landsþingið, Inatsisartut, hefur samþykkt að hefja að nýju innheimtu sérstaks gjalds af farþegum skemmtiferðaskipa og tvöföldun á gjaldi sem stærri skipin þurfa að greiða og álagningu sérstaks innviðagjalds.

Fréttir

Evrópusambandið frestar tolli á rafbíla

Bílaframleiðendur í Bretlandi og á meginlandi Evrópu fagna því að ESB ætli að fresta fyrirhugaðri gjaldtöku af rafbílum og framleiðsluhlutum þeirra.

Fréttir

Norwegian hægir á en íslensku félögin gefa í

Þrátt fyrir stærri flugflota þá hafa stjórnendur Norwegian valið að fækka ferðunum nú í vetur í samanburði við þann síðasta. Þessu er öfugt farið hjá Icelandair og Play.

Fréttir

Ólífutréð í hlýnandi heimi

Meðan þráttað er um það á COP28 í Dúbæ hvernig draga megi úr notkun jarðefnaeldsneytis á næstu áratugum horfa grískir ólífubændur óttaslegnir á afleiðingar hlýnunar andrúmsloftsins fyrir framleiðslu þeirra. Uppskerubrestur blasir við á þessu ári, eins og víðar í ólífuræktarlöndum.

Fréttir

Ódýrara þotueldsneyti bætir stöðu flugfélaganna

Icelandair og Play borguðu samanlagt 48 milljarða króna fyrir eldsneyti á þotur sínar fyrstu níu mánuði ársins. Verðbreytingar á olíumarkaði hafa því skiljanlega mikil áhrif á reksturinn. Til marks um það vöruðu stjórnendur flugfélaganna fjárfesta við versnandi afkomu í byrjun september þegar verð á þotueldsneyti fór yfir 1000 dollara á tonnið á ný. Skráðu þig … Lesa meira

Fréttir

Sala á kínverskum Tesla-bílum minnkar

Sala á kínverskum Tesla-bílum minnkaði um 17,8 prósent í nóvember miðað við sama mánuð í fyrra. Á sama tíma jókst sala helsta keppinautarins, BYD.