Samfélagsmiðlar

Langflestir farþegar panta gin og tónik

ba gin

Enginn áfengur drykkur kemst með tærnar þar sem sá grái er með hælana þegar kemur að hressingu í háloftunum.
Árlega eru serveraðar ríflega tvær milljónir blanda af gin og tónik um borð í vélum British Airways og enginn annar áfengur drykkur nýtur álíka vinsælda meðal farþega breska flugfélagsins. Reyndar eru bornar fram hátt í 10 milljónir lítilla vínflaska í þotunum á hverju ári, 1,3 milljónir af flöskum í fullri stærð en kampavínsflöskurnar eru helmingi færri samkvæmt tilkynningu frá BA. Athygli vekur að bjórdrykkja er ekki talin með í samanburðinum sem segir kannski ýmislegt um hversdagslegt viðhorf Breta til ölsins.

Mest drukkið á leið til Vegas

British Airways hóf á ný að fljúga til Íslands síðasta haust en þá aðeins þrisvar í viku frá Heathrow í London. Frá og með lokum október munu vélar BA hins vegar fljúga daglega til Keflavíkurflugvallar. Áfengisdrykkja í Íslandsfluginu er hins vegar ekki fréttnæm en öðru máli gegnir um stemninguna í vélum British Airways sem fljúga til og frá spílavítunum í Las Vegas. Á þeirri flugleið er nefnilega langmest drukkið hjá BA en á öðrum leiðum mun drykkjan hins vegar vera nokkuð svipuð. Það skiptir hins vegar máli hvenær sólarhringsins fólk er í háloftunum því meira er drukkið yfir daginn en til að mynda í næturflugi.

Bragðlaukarnar brenglast

Það hefur verið sýnt fram á að bragðskyn fólks breytist í flugi m.a. vegna hæðarinnar og hávaðans og af þeim sökum hafa matgæðingar British Airways útbúið flugvélamat þar sem mikil áhersla er lögð á hráefni sem inniheldur mikið „umami“, t.a.m. tómata, sveppi og parmesan ost. Vínið um borð þarf líka að velja með þetta í huga og til að mynda er rauðvínið hjá BA oftast kröftugt og hvítvínin súr því í háloftunum slær á þessa eiginlega vínsins. Að lokum leggur vínsérfræðingur breska flugfélagsins áherslu á að fólk hafi það í huga að flugferðalög og áfengi eigi það sameiginlegt að valda vatnsþurrki. Því sé mikilvægt að drekka hóflega af áfengi en í staðinn innbyrða töluvert af vatni og óáfengum drykkjum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …