Samfélagsmiðlar

Loksins einn af þremur bestu flugvallarbörum heims

loksinsbar

Farþegar í Flugstöð Leifs Eiríkssonar geta sest niður á einn af þeim flugvallarbörum sem þykir í sérflokki. Farþegar í Flugstöð Leifs Eiríkssonar geta sest niður á einn af þeim flugvallarbörum sem þykir í sérflokki.
Þegar við erum komin í gegnum vopnaleitina í flugstöðinni þá eru kannski liðnir tveir tímar síðan við lögðum í hann að heiman og ennþá klukkutími eða tveir í að vélin fari í loftið. Þá gefst kærkomið tækifæri til að fá sér hressingu og jafnvel skála fyrir því að nú sé ferðalagið loks að hefjast. Og það er engum blöðum um það að fletta að margir farþegar, hér heima og víðar, setjast á barinn áður en haldið er út í vél og skiptir þá ekki öllu máli hvað klukkan er því á fríhafnarsvæðinu virðast dagspartanir renna saman í einn. 

Á palli ásamt breskum pöbbum

Veitingasvæði flugstöðva hafa víða tekið miklu breytingum síðustu ár og farþegum stendur meira til boða en áður. Kaffiteríurnar sem seldu sitt lítið af hverju hafa til að mynda vikið fyrir sérhæfðum matsölustöðum, kaffihúsum, bakaríum og börum og þessi þróun hefur líka átt sér stað í Flugstöð Leifs Eiríkssonar. Meðal þeirra staða sem þar er nú að finna er Loksins sem nú í sumar var tilnefndur sem einn af bestu flugstöðvarbörum heims á AirportFAB2016 verðlaunahátíðinni sem fór fram í Genf. Loksins fór þó ekki með sigur að hólmi heldur var það The Windmill á Stansted flugvelli sem fékk flest atkvæði en sá íslenski varð í öðru til þriðja sæti ásamt barnum á Birmingham flugvelli.

Góð tenging við Ísland 

Loksins var einnig tilnefndur í flokki þeirra flugvallarveitingastaða sem þóttu endurspegla heimaland sitt best en á barnum er m.a. lögð áhersla mikið úrval af íslensku öli og féll bjórlistinn meðal annars í kramið hjá útsendurum ferðaritsins Travel&Leisure sem útnefndu Loksins sem einn af 8 bestu bjórbörunum heims fyrir þyrsta flugfarþega í fyrra.
Í heildina þótti dómnefnd FAB úrval veitinga á Kaupmannahafnarflugvelli skara fram úr í ár en þar, líkt og í Leifsstöð, hafa verið gerðar miklar breytingar þegar kemur að mat og drykk. Heathrow í London og Brisbane í Ástralíu fengu næst flest atkvæði.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …