Samfélagsmiðlar

Flugmiðar til London og heim aftur á innan við 10 þúsund krónur

london Jethro Stebbings

Í gær hófst sala á nýju flugi Norwegian til Íslands frá Gatwick flugvelli og framboð á ódýrustu fargjöldunum er því töluvert. Ekki bara hjá norska félaginu heldur líka hjá þeim fjórum flugfélögum sem fyrir voru á þessari leið. Í gær hófst sala á nýju flugi Norwegian til Íslands frá Gatwick flugvelli og framboð á ódýrustu fargjöldunum er því töluvert. Ekki bara hjá norska félaginu heldur líka hjá þeim fjórum flugfélögum sem fyrir voru á þessari leið.
Sú óvenjulega staða er komin upp að fimm flugfélög munu fljúga beint milli Íslands og Lundúna í vetur. Aldrei áður hafa svo mörg flugfélög att kappi á einni flugleið frá Íslandi og reyndar er leit að álíka framboði á hinum norrænu flugvöllunum. Farþegar á Óslóarflugvelli og á Arlanda í Stokkhólmi hafa til að mynda aðeins úr þremur flugfélögum að velja þegar ferðinni er heitið til Lundúna en úrvalið á Kaupmannahafnarflugvelli er jafn mikið og hér á landi. 

Verðið hækkar í kringum jól

Áður en easyJet hóf flug til Íslands í lok vetrar 2012 voru íslensku félögin ein um flugið til London en síðastliðið haust bættist British Airways við. Í gær tilkynntu svo forsvarsmenn Norwegian að félagið myndi í vetur fljúga þrisvar í viku milli Gatwick og Keflavíkurflugvallar frá 1. nóvember. Sala á sætum með Norwegian var því að hefjast og samkvæmt athugun Túrista þá er í dag hægt að bóka flugmiða með félaginu til London og heim aftur á 9.881 krónur á fjölda dagsetninga í vetur og fram á vor, að jólavertíðinni undanskilinni. Reyndar þarf að borga um 1.500 krónur (10pund) aukalega fyrir innritaða tösku hvora leið og einnig leggst við 1.99% kreditkortagjald. Vélar Norwegian fljúga til London á þriðjudögum, fimmtudögum og laugardögum og brottförin frá Gatwick er rúmlega sex að morgni.

Lágt verð hjá fleirum

Það er þó ekki bara hjá Norwegian sem finna má farmiða til London, aðra leiðina, á 4 til 6 þúsund krónur því easyJet er með töluvert af svo ódýrum flugmiðum á boðstólum í vetur. Þar bætist líka við töskugjald og sömuleiðis hjá WOW air en þar kostar ódýrasta farið til London 7.999 krónur að viðbættu bókunargjaldi. Í mánaðarlegum verðkönnunum Túrista á farmiðaverði til London hefur British Airways regluega verið dýrasti kosturinn en nú þegar félagið fjölgar ferðum sínum hingað úr þremur í sjö í viku þá hafa fargjöldin lækkað og þau ódýrustu í vetur eru á tæpar 9 þúsund krónur. Icelandair er hins vegar eina félagið á þessari flugleið þar sem innritaður farangur og sætisval er innifalið í ódýrustu fargjöldunum og eru þau 14.915 krónur samkvæmt athugun Túrista.
SMELLTU HÉR TIL AÐ BERA SAMAN VERÐ Á HÓTELUM Í LONDON

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …