Samfélagsmiðlar

Tvöfalt fleiri erlendir ferðamenn en innanlandsflug dregst saman

flugtak 860 a

Á árunum 2011 til 2015 fjölgaði erlendum ferðamönnum hér á landi úr 540 þúsund í nærri 1,3 milljónir. Á sama tíma fækkaði farþegum í innanlandsflugi og hjá Flugfélagi Íslands. Á árunum 2011 til 2015 fjölgaði erlendum ferðamönnum hér á landi úr 540 þúsund í nærri 1,3 milljónir. Á sama tíma fækkaði farþegum í innanlandsflugi og hjá Flugfélagi Íslands.
Umsvif á Keflavíkurflugvelli hafa aukist mjög hratt síðustu ár og þegar litið er til síðustu fimm ára þá hefur farþegafjöldinn þar tvöfaldast að frádregnum þeim farþegum sem aðeins millilenda hér á landi. Á flugvöllunum í Reykjavík og á Egilsstöðum hefur farþegum hins vegar fækkað um tíund á þessu tímabili eins og sjá má ágrafinu hér fyrir neðan. Á Akureyri nemur samdrátturinn 16.7 prósentum og 7,3 prósentum á minni flugvöllum samkvæmt útreikningum Túrista sem byggja á þeim gögnum sem aðgengileg eru á heimasíðu Isavia, rekstraraðila flugvallanna. Tölur Isavia ná aftur til ársins 2011 og þróunin yfir lengra tímabil gæti því verið önnur.

Icelandair og Flugfélag Íslands í sitthvora áttina

Það er þó áhugavert að bera saman síðustu 5 ár því fjöldi ferðamanna hefur meira en tvöfaldast (133%) á þessum tíma en það er ljóst að sú umbylting hefur ekki skilað sér í fjölgun farþega í innanlandsflugi. Þvert á móti hefur farþegunum fækkað. Það sést til að mynda skýrt þegar bornar eru saman farþegatölur systurfélaganna Icelandair og Flugfélags Íslands. Það fyrrnefnda stundar millilandaflug og fjölgaði farþegum þess um 1,3 milljónir síðustu fimm ár eða um 76 prósent. Í vélum Flugfélags Íslands fækkaði farþegum hins vegar úr 353 þúsund árið 2011 í 296 þúsund í fyrra. Samdráttur upp á 16 prósent.
Þess ber þó að geta að inn í farþegatölum Flugfélags Íslands er innanlandsflug og flug til Færeyja og Grænlands og hluti af því er frá Keflavíkurflugvelli. Hvað sem því líður hafa sveiflurnar í millilandaflugi og innanlandsflugi ekki verið í takt á þeim tíma sem erlendum ferðamönnum fjölgar hratt hér á landi. Umferð um Reykjavíkurflugvöll hefur reyndar aukist um 7,5 prósent í ár en hluti af skýringunni gæti legið í auknu Grænlandsflugi Flugfélags Íslands. Á sama tíma hefur umferð um Keflavíkurflugvöll aukist um 37 prósent. 

Mikilvægt að tengja saman

Líkt og Túristi greindi frá í vikunni þá eru forsvarsmenn ferðamála í Finnlandi, Danmörku og Noregi sammála um mikilvægi þess að boðið sé upp á bæði flug innanlands og utan frá aðalflugvelli hvers lands. En öfugt við Keflavíkurflugvöll er innanlandsflug í boði á öllum stærstu flugvöllum Norðurlanda og leit að evrópskum alþjóðaflugvellli þar sem sú þjónusta er ekki fyrir hendi. Samkvæmt athugun Túrista þá fjölgaði farþegum í innanlandsflugi á Óslóarflugvelli um 5,2% síðustu fimm ár, í Helsinki varð samdráttur um 4,3%, á Stokkhólmsflugvöllunum fjölgaði þeim um 8 prósent en á Kaupmannahafnarflugvelli hefur innanlandsflug dregist saman um nærri helming, m.a. í kjölfar gjaldþrots Cimber Sterling árið 2012. Þess má geta að í Stokkhólmi eru tveir flugvellir, Arlanda og Bromma og á báðum er flogið innanlands og utan. Um Arlanda fóru um 5 milljónir í innanlandsflug í fyrra en 2,2 milljónir um Bromma. Tilvera þess síðarnefndi hefur lengið verið deilumál meðal sænskra stjórnmálamanna líkt og flugvöllurinn í Vatnsmýrinni. Á flugvöllum hinna norrænu höfuðborganna hefur farþegafjöldinn hins vegar ekki tvöfaldast síðustu fimm ár líkt og á Keflavíkurflugvelli heldur aukist um nokkur prósent á ári. En líkt og kom fram í grein Túrista á fimmtudag þá fljúga daglega á bilinu 3,5-8 þúsund erlendir ferðamenn um Keflavíkurflugvelli og ef vægi innanlandsflugs þar væri fjórðungur af því sem það er í Ósló þá myndi það duga til að fylla 2 til 6 Bombardier vélar líkt og Flugfélag Íslands notar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …