Samfélagsmiðlar

Fleiri vetrarflug ekki í kortunum

norwegian velar860

Forsvarsmenn Norwegian bættu óvænt við þremur nýjum flugleiðum til Íslands nú í vetur. Ekki er von á fleiri nýjungum. Forsvarsmenn Norwegian bættu óvænt við þremur nýjum flugleiðum til Íslands nú í vetur. Ekki er von á fleiri tíðindum frá þessu þriðja stærsta lággjaldaflugfélagi Evrópu á næstunni.
Síðustu fimm ár hefur Íslandsflug norska lággjaldafélagsins Norwegian verið í föstum skorðum og þotur félagsins hafa flogið hingað þrjár ferðir í viku frá Ósló og reglulega frá Bergen stóran hluta ársins. Haustið 2013 sagði hins vegar forstjóri félagsins, í viðtali við Túrista, að hann sæi tækifæri í auknum umsvifum hér á landi en ekkert hefur orðið úr því jafnvel þó stjórnendur Norwegian hafi í millitíðinni sótt um og fengið lendingarleyfi fyrir flug hingað frá Kaupmannahöfn og London. Á sama tíma hafa mörg önnur erlend flugfélög stóraukið flug sitt til Íslands en Norwegian hefur einbeitt sér að auknu flugi til Bandaríkjanna og opnun starfsstöðva í Bretlandi, Frakklandi og á Spáni.

Óvænt viðbót

Í lok ágúst tilkynnti Norwegian hins vegar að frá og með byrjun nóvember yrði Íslandi hluti að vetraráætlun félagsins frá London, Barcelona og Madríd. Verður Norwegian þar með fimmta flugfélagið til að fljúga milli Íslands og höfuðborgar Bretlands og það fyrsta til að bjóða upp á vetrarflug hingað frá Madríd. Óhætt er að fullyrða að þessi viðbót hafi komið mörgum í ferðageiranum á óvart. Ekki bara hér á landi því í breska blaðinu Independent var Íslandsflug Norwegian frá Gatwick í London tekið sem dæmi um hversu mikil samkeppni er orðin í flugi innan Evrópu og flugfélög eigi í vandræðum með að finna verkefni fyrir allan flugflotann sinn.

Sjá til með sumarið

Astrid Gaustad Mannion, talskona Norwegian, segir þó í svari til Túrista að þessar nýju flugleiðir félagsins hafi verið á teikniborðinu um nokkurt skeið en á þessari stundu sé ekki útlit fyrir fleiri viðbætur við dagskrána þegar kemur að flugi til Íslands. Aðspurð um hvort það sé ekki sérstakt að hefja flug hingað frá Spáni yfir vetrarmánuðina segir hún að vissulega sé þetta ekki háannatími í ferðaþjónustunni en það sé trú stjórnenda Norwegian að þessi viðbót fái góðar undirtektir meðal Spánverja og Breta og ekki síst Íslendinga. Að sögn Mannion er hins vegar og snemmt að segja til um hvort flugleiðirnar þrjár verði starfræktar næsta sumar. „Við verðum að sjá hverjar viðtökurnar verða áður en við tökum ákvörðun varðandi næsta sumar.”

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …