Samfélagsmiðlar

3 nýjar flugleiðir frá Keflavíkurflugvelli næsta sumar

dresden

Farþegar flugfélagana Germania og Wizz Air geta flogið til Íslands frá fleiri áfangastöðum á næsta ári. Farþegar flugfélagana Germania og Wizz Air geta flogið til Íslands frá fleiri áfangastöðum á næsta ári.
Í byrjun nýliðins sumars hófu þotur flugfélagsins Germania að fljúga hingað til lands frá þýsku borgunum Bremen og Friedrichshafen. En sú síðarnefnda var lengi vel hluti að leiðakerfi Iceland Express og því væntanlega mörgum íslenskum ferðalöngum kunn. Þessar nýju flugleiðir fengu það góðar viðtökur, að sögn Kevin Schmidt talsmanns Germania, að ákveðið var að bæta við ferðum hingað til lands frá borgunum Nürnberg og Dresden á næsta ári. „Í sumar voru við með ferðir til Íslands frá flugvöllum í norður- og suðurhluta Þýskalands en okkur fannst við þurfa að fylla upp í tómarúmið í miðjunni“, útskýrir Schmidt en Nürnberg er nyrst í Bæjaralandi og Dresden er í austurhluta landsins. Þessar flugleiðir verða starfræktar frá sumarbyrjun og fram á haustið og kosta ódýrustu miðarnir hjá Germania um 9 þúsund krónur.

Fimm nýjar flugleiðir til Íslands á 2 árum

Forsvarsmenn Germania eru hins vegar ekki einir um að ætla að fljúga hingað til lands frá fleiri stöðum á næsta ári því það mun Wizz air, stærsta lággjaldaflugfélag Austur-Evrópu, einnig gera. Félagið hóf að fljúga hingað til lands í fyrrasumar og þá frá Gdansk í Póllandi. Síðan þá hefur Wizz air bætt Íslandsflugi við leiðakerfi sitt frá Varsjá, Búdapest og Vilnius. Og frá og með næsta vori mun þotur félagsins svo fljúga hingað til lands alla mánudaga og föstudaga frá borginni Katowice sem er í suðurhluta Póllands, skammt frá landamærunum að Tékklandi og Slóvakíu. Auk þessa verða gerðar tímabundnar breytingar á fluginu hingað frá höfuðborg Litháen því flugbrautirnar þar verða lokaðar frá miðjum júlí og fram til 17. ágúst og á því tímabili verður flugið fært til Kaunas.
Engin önnur flugfélög á Keflavíkurflugvelli bjóða upp á áætlunarferðir til þeirra áfangastaða sem Germania flýgur til en WOW air og Wizz eru bæði með flug til höfuðborga Póllands og Litháen. Wizz er hins vegar eitt um flugið til Gdansk, Búdapest og Katowice.
NÝJAR GREINAR: INNANLANDSFLUG FRÁ AKUREYRI YRÐI GJÖRBYLTING FYRIR FERÐAÞJÓNUSTUNAKRÖFUHARÐIR EUROVISION AÐDÁENDUR BÓKI SEM FYRST

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …