Samfélagsmiðlar

WOW til Miami

Samkeppni í flugi héðan til Flórída eykst með tilkomu Miami flugs WOW air. Það er þó langt á milli heimahafna Icelandair og WOW í „sólskinsfylkinu“. Samkeppni í flugi héðan til Flórída eykst með tilkomu Miami flugs WOW air. Það er þó langt á milli heimahafna Icelandair og WOW í „sólskinsfylkinu“.
Stuttu fyrir páskana á næsta ári fer WOW air sína fyrstu ferð til Flórídafylkis í Bandaríkjunum og mun þotur félagsins fljúga þessa leið þrisvar í viku allt árið um kring. Sala á farmiðunum hefst í dag og samkvæmt tilkynningu frá félaginu verða breiðþotur félagsins nýttar í flugið en í þeim eru sæti fyrir 350 farþega. „Það er ánægjulegt að vera fyrsta íslenska flugfélagið sem mun bjóða upp á áætlunarflug til Miami og höldum við þar með áfram stefnu okkar að kynna nýja og spennandi áfangastaði á hagstæðum verðum fyrir farþega okkar. Ég þekki Miami vel af eigin raun og veit að þar geta allir fundið eitthvað við sitt hæfi. Einnig höfum við nú þegar fundið fyrir miklum áhuga á Íslandi frá íbúum Flórídafylkis sem munu án vafa nýta sér lág fargjöld og sækja Ísland heim,“ er haft eftir Skúla Mogensen eiganda og forstjóra WOW air í tilkynningunni.

Ódýrast út á miðvikudögum

Af fylkjum Bandaríkjanna eru fá sem njóta álíka vinsælda hjá ferðamönnum eins og Flórída gerir og um langt skeið hefur Icelandair boðið upp á flug héðan til Orlandó frá hausti og fram á vor en gert hlé á ferðunum yfir sumarmánuðina þrjá. Orlando liggur í fylkinu miðju en Miami er um 380 kílómetrum sunnar og er jafnframt næst fjölmennsta borg Flórída á eftir Jacksonville.
Samkvæmt athugun Túrista kosta ódýrustu farmiðarnir með WOW til Miami 17.999 að viðbættu bókunargjaldi og eins þarf að borga aukalega fyrir innritaðan farangur. Í apríl er það þó aðeins jómfrúarflugið 5. apríl sem kostar svona lítið en allar miðvikudagsbrottfarirnar frá Keflavíkurflugvelli til Miami í maí eru a þessu verði. Hina dagana er farmiðaverð WOW um 30 þúsund krónur, aðra leið.

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …