Samfélagsmiðlar

Litlar breytingar á flokki bestu íslensku hótelanna

reykjavik vetur

Sex íslenskir gististaðir hlutu ein þekktustu verðlaunin sem veitt eru í ferðageiranum. Sex íslenskir gististaðir hlutu ein þekktustu verðlaunin sem veitt eru í ferðageiranum. 
Verðlaunaafhending World Travel Awards í Evrópu fór fram á laugardaginn en verðlaunin eru ein þau virtustu í ferðaþjónustunni. Þar eru veittar viðurkenningar á hinum ýmsu sviðum og til að mynda var þýska flugfélagið Lufthansa valið besta flugfélag álfunnar, flugvöllurinn í Zurich fékk gullið í sínum flokki og í flokki hótela fékk Ritz í París flest atkvæði. Hin rússneska Sankti Pétursborg var svo valinn áfangastaður ársins í Evrópu.
Einnig eru veitt verðlaun innan hvers lands fyrir sig og í Íslandsdeildinni var samtals 21 gististaður tilnefndur til verðlauna í sex flokkum. Sigurvegaranir voru þeir sömu og í fyrra nema í flokki dvalarstaða eða „resort“. Þar bar Bláa lónið sigur úr býtum í ár en Hótel Rangá fékk gullið í fyrra.
Þess ber að geta að hótelstjórar geta sjálfir tilnefnd gististaðina sína til verðlauna á World Travel Awards en sigurvegaranir eru fundir í netkosningu.

Sigurvegarar í Íslandsdeild World Travel Awards árið 2016

Besta hönnunarhótelið
ION Luxury Adventure Hotel
– einnig tilnefnd: 101 Hótel Reykjavík, Hótel Glymur og Centerhotel Þingholt.

Besta hótelið fyrir vinnuferðir

Radisson Blu Saga
– einnig tilnefnd: Grand Hótel, Radisson Blu 1919, Hilton Nordica, Hótel Borg.

Besta hótelið
Hótel Borg
– einnig tilnefnd: Alda Hótel, Grand Hótel, Hilton Nordica, Hótel Holt, Hótel Keflavík, ION Luxury Adventure Hótel, Radisson Blu 1919.

Besti dvalarstaðurinn (
Resort)

Bláa lónið
– einnig tilnefnd: Hótel Rangá og Radisson Blu Saga

Besta íbúðahótelið
Reykjavik4you Apartments
– einnig tilnefnd: Grettisborg Apartments, Room with a view, Stay Apartments Bolholt, Stay Apartments Einholt

Besta hótel aðsetrið (Hotel residence)

Grand Hotel Reykjavik
– Residence Reykjavík Hótel og Reykjavík Hótel Centrum

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …