Samfélagsmiðlar

Flest sumarflug til Kaupmannahafnar

cph terminal

Þó flugleiðunum frá Keflavíkurflugvelli fjölgi hratt þá er gamla höfuðborgin áfram sá staður sem oftast er flogið til frá Íslandi. Alla vega yfir sumarmánuðina. Þó flugleiðunum frá Keflavíkurflugvelli fjölgi hratt þá er gamla höfuðborgin áfram sá staður sem oftast er flogið til frá Íslandi. Alla vega yfir sumarmánuðina.
Farþegar í Flugstöð Leifs Eiríkssonar gátu valið úr áætlunarferðum til 70 áfangastaða í ágúst og þar af voru nokkrar borgir sem ekki voru hluti af leiðakerfi flugvallarins á sama tíma í fyrra. Þrátt fyrir sífellt aukið úrval af flugi hafa flugsamgöngurnar ekki verið tíðari til nokkurrar borgar í sumar en til Kaupmannahafnar sem hefur lengi, ásamt London, verið sú borg sem oftast er flogið til frá Íslandi. Í heildina voru farnar 589 ferðir til Kaupmannahafnar í sumar eða að jafnaði 6,4 brottfarir á dag. Næst mesta traffíkin var til London en þangað settu þoturnar á Keflavíkurflugvelli stefnuna 518 sinnum sl. þrjá mánuði samkvæmt daglegum talningum Túrista.

Nálægðin við Svíþjóð og vinsældir Danmerkur hjá Íslendingum

Ástæðurnar fyrir sterkri stöðu Kaupmannahafnarflugsins hér á landi liggja meðal annars í þeirri staðreynd að flugvöllurinn þar í borg er sá stærsti á Norðurlöndum og vafalítið millilenda margir íslenskir og erlendir farþegar þar á leið sinni til og frá Íslandi, til að mynda ferðafólk frá Asíu. Dönskum túristum hér á landi hefur hins vegar ekki fjölgað í sumar en aftur á móti hefur sænskum ferðamönnum fjölgað í sumar en góðar lestarsamgöngur eru milli suðurhluta Svíþjóðar og Kaupmannahafnarflugvöllar. Það er því óhætt að fullyrða að stór hluti Svía á Íslandi fljúgi hingað í gegnum Danmörku. Farþegaflutningar Icelandair og WOW air milli Evrópu og N-Ameríku hafa líka mikið að segja enda eru skiptifarþegar um helmingur þeirra sem sitja um borð í vélum félaganna. Sterk tengsl milli Íslands og Danmörku hafa einnig mikið að segja en þar í landi búa þúsundir Íslendinga og íslenskar hótelgestir eru mun stærri hópur í Kaupmannahöfn eru til að mynda í Ósló og Stokkhólmi. 

London kemst á toppinn á ný

Það er hins vegar útlit fyrir að breska höfuðborgin verði sá staður sem oftast er flogið til frá Íslandi í haust og vetur enda munu þá fimm flugfélög etja kappi á flugleiðinni. En í London dreifist umferðin hins vegar á fjóra flugvelli en í Kaupmannahöfn er bara einn, sá sem oft er kenndur við Kastrup. Þangað fljúga Icelandair og WOW air auk SAS sem hóf að fljúga til Íslands frá Danmörku á ný í vor og mun halda því áfram í allan vetur. 

Nærri tvöföldun á nokkur flugleiðum

Með tilkomu Kanadaflugs WOW air hefur flug framboð á flugi til tveggja fjölmennustu borga landsins aukist töluvert eins og sjá má á töflunni hér fyrir neðan. Ferðirnar til Toronto voru til að mynda nærri tvöfalt fleiri í ágúst en á sama tíma í fyrra þegar Icelandair var eitt um flugið þangað. Bæði íslensku félögin bættu svo Montreal við leiðakerfi sín í maí og sú borg hefur því verið fastur liður á topp 20 listanum í sumar yfir þá staði sem oftast er flogið til frá Keflavíkurflugvelli. Hlutfallslega hefur ferðunum þó fjölgað mest til Minneapolis en í sumar hefur hið bandaríska Delta flogið þessa leið daglega og eins hefur Icelandair boðið upp á tíðari ferðir þangað.

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …