Samfélagsmiðlar

Hvaða borgir bætast næst við leiðakerfi Keflavíkurflugvallar?

vegas prag

Mögulega getum við flogið beint þessara áfangastaða í nánustu framtíð. Nú þegar hefur verið tilkynnt um nokkra nýja áfangastaði fyrir næsta sumar fleiri nýjungar eru í pípunum. Túristi gerir hér tilraun til að spá fyrir um hvaða borgir eru líklegastar.
Dresden, Katowice, Miami, Nürnberg, Philadelphia, Tampa og Trieste eru þær borgir sem vitað er að bætast við flugáætlun flugfélaganna í Leifsstöð. Og samkvæmt athugun Túrista meðal forsvarsmanna þeirra flugfélaga sem fljúga til og frá landinu er ekki útlit fyrir að flugleiðir muni falla niður á næsta ári. Hugsanlega fækkar ferðunum þó á einhverja staði, til dæmis ef Airberlin hættir flugi frá Hamborg og Munchen, en heilt yfir virðist Íslandsflug erlendu flugfélaganna hafa gengið vel í ár. Það var til að mynda raunin hjá hinu spænska Iberia Express líkt og Túristi greindi frá í gær.
Það eru hins vegar Icelandair og WOW air sem standa undir bróðurparti allra flugferða til og frá Keflavíkurflugvelli og nýverið birti Icelandair áætlun sína fyrir næsta ár og bætast tveir bandarískir áfangastaðir við leiðakerfi félagsins á næsta ári. Von á fleiri nýjungum í áætlun WOW air líkt og kom fram í viðtali Túrista við Skúla Mogensen sl. föstudag.

En hvaða borgir gætu félögin bætt við á næsta ári eða kannski á þarnæsta? Túristi gerir hér tilraun til að spá fyrir um það þó ennþá hafi aðeins einn af þeim fjórum stöðum sem Túristi reiknaði með í fyrra komist á kortið. En reyndar er flug hafið til þriggja af þeim fjórum sem voru á listanum sem birtur var fyrir þremur árum. Spáin með sama sniði og í fyrra, fyrst koma borgir sem talið er líklegar til að bætast við og svo kemur listi yfir flugleiðir þar sem aukin samkeppni gæti verið í kortunum. 

Mögulegir nýir áfangastaðir:

Prag
Síðastliðið sumar stóð til að helsta flugfélag Tékka myndi fljúga hingað til lands frá Prag en ekkert varð úr því. Ef Czech Airlines grípur ekki gæsina er ekki ósennilegt að Wizz Air bæti enn frekar við Íslandsflug sitt. Tékkneskir ferðamenn eru nokkuð margir hér á landi og tölurnar sýna að þeir eru líklegri en margir aðrir ferðamenn hér á landi til að dvelja út á landsbyggðinni.
Smelltu til að bera saman verð á tengiflugi til Prag
Las Vegas
Bandaríski dollarinn stendur sterk um þessar mundi og áhugi Bandaríkjamanna á ferðalögum út fyrir landsteinana eru því mikill. Í kringum spilavítaborgina Las Vegas er kannski ekki stór markaður fyrir ferðalanga á leið til Evrópu en borgin mikið aðdráttarafl fyrir Evrópubúa þrátt fyrir dýran dollar. Túristi reiknar því með að annað hvort íslenska félagið hefji flug þangað fyrr en síðar.
Smelltu til að bera saman verð á tengiflugi til Las Vegas
Calgary
Bæði íslensku flugfélögin bjóða upp á flug til Kanada og ekki er langt síðan að stjórnendur Air Canada létu umsvif Icelandair í Edmonton í Alberta-fylki fara svo í taugarnar á sér að þeir skáru niður flug sitt frá þaðan til Evrópu. Þar í borg voru heimamenn hvort eð er ornir langþreyttir á að þurfa sífellt að fljúga til Evrópu í gegnum Calgary þar sem Air Canada er með stóra starfsstöð. Og kannski sjá stjórnendur Air Canada tækifæri í að hefja flug þaðan til Íslands og reyna þannig að koma fram hefndum. Þess má geta að talsmaður Air Canada segir í svari til Túrista að engin plön séu um flug til Íslands á næstunni.
Smelltu til að bera saman verð á tengiflugi til Calgary
Ljubljana
Reglulega er boðið upp á pakkaferðir héðan til hinnar fallegu höfuðborgar Slóveníu en kannski er þess ekki langt að bíða að þotum Adria flugfélagsins verði reglulega lagt upp að Flugstöð Leifs Eiríkssonar. Félagið er nú þegar með sex áfangastaði í Skandinavíu og gæti sett stefnuna á Ísland næsta sumar. Þangað til má komast nærri Lublijana með nýju flugi Primera Air til Trieste sem hefst næsta sumar.
Smelltu til að bera saman verð á tengiflugi til Ljubljana

Hugsanlega aukin samkeppni:

Seattle
Umsvif Icelandair í fjölmennustu borginni í norðvesturhluta Bandaríkjanna hafa aukist hratt síðustu ár og telja verður líklegt að fyrr eða síðar spreyti WOW sig á þessari leið eða jafnvel Delta sem býður upp á flug frá borginni til Evrópu. Delta hefur flogið hingað um árabil frá New York og í sumar bauð félagið í fyrsta sinn upp á flug hingað frá Minneapolis en áður hafði Icelandair verið eitt um flugið þaðan.
Zurich
Svisslendingar eru á ferðinni þessi misserin enda er frankinn þeirra sérstaklega sterkur og reyndar hefur hann hækkað svo mikið að svissnesk ferðaþjónusta kvartar sáran. Swiss, stærsta flugfélag heimamanna, virðist ekki vera á leiðinni til Íslands þó þotur systurfélaganna (Lufthansa, Eurowings og Austrian) sjáist daglega við Leifsstöð yfir sumarmánuðina. Hins vegar gæti WOW sótt í svissneska markaðinn á ný en félagið flaug þangað á upphafsárum sínum. Í dag flýgur Icelandair héðan til Zurich frá vori og fram á haust.
Denver
Hátt gengi dollarans gerir það að verkum að umsvif íslensku flugfélaganna aukast vestanhafs og til að mynda eru báðir nýju áfangastaðir Icelandair í Bandaríkjunum. Síðustu fjögur ár hefur félagið flogið reglulega til Denver sem er inn í miðju landi á meðan WOW air einbeitir sér ennþá að flugi til borga á austur- og vesturströnd Bandaríkjanna. Airbus þotur félagsins gætu hins vegar farið að setja stefnuna á Denver á næstunni.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …