Samfélagsmiðlar

Keflavíkurflugvöllur orðin fimmta fjölfarnasta norræna flughöfnin

kef farthegar

Forsvarsmenn flugvallanna í Bergen og Gautaborg segjast hafa fylgst með örum vexti í Flugstöð Leifs Eiríkssonar og segja árangurinn aðdáunarverðan. Forsvarsmenn flugvallanna í Bergen og Gautaborg segjast hafa fylgst með örum vexti í Flugstöð Leifs Eiríkssonar og segja árangurinn aðdáunarverðan.
Í hittifyrra komst Keflavíkurflugvöllur upp fyrir flugvellina í Billund og Bromma á listanum yfir stærstu flugstöðvar Norðurlanda og endaði sá íslenski í níunda sæti þegar árið 2014 var gert upp. Á síðasta ári hélt farþegum áfram að fjölga mun hraðar hér á landi en á hinum Norðurlöndunum og þá fór Leifsstöð fram úr flugstöðvunum í Stavanger og Þrándheimi og var orðin sjöunda fjölfarnasta flugstöð Norðurlanda. Þriðja árið í röð hefur Keflavíkurflugvöllur stokkið upp um tvö sæti á listanum því eftir fyrstu níu mánuði þessa ára hafa fleiri farið um þann íslenska en Flesland í Bergen og Landvetter í Gautaborg. Ekki er útlit fyrir annað en að Keflavíkurflugvöllur haldi fimmta sætinu út árið þar sem fyrstu níu mánuði þessa árs hafa 5,3 milljónir farið um Keflavíkurflugvöll tæpar 5 milljónir um Landvetter og 4,5 milljónir um Flesland. Bilið er því orðið breitt en það í langt í fjórða sætið því þar situr Vantaa í Helsinki og í fyrra flugu um 16 milljónir til og frá þeim flugvelli. 

Áðdáunarverður vöxtur

Forsvarsmenn flugvallanna í Gautaborg og í Bergen samgleðjast íslenskum starfsbræðrum sínum með þennan árangur. „Við fylgjust með þróun mála á öllum flugvöllum Norðurlanda og vöxturinn á Keflavíkurflugvelli er aðdáunarverður og full ástæða til að óska starfsfólkinu til hamingju með þessar fínu tölur,“ segir Johan Live, talsmaður Swedavia, sem á og rekur alla helstu flugvelli í Svíþjóð. Að sögn Live hefur einnig verið mikil aukning á sænskum flugvöllum síðustu ár og til að mynda fjölgaði farþegum á Landvetter í Gautaborg um nærri fimmtung í fyrra og búist er við að farþegar verði 6,4 milljónir í ár. Cathrine F. Framholt, upplýsingafulltrúi Flesland flugvallar í Bergen, segist einnig dást að framgangi Keflavíkurflugvallar. „Kynningin á Íslandi sem ferðamannastað hefur líka veitt okkur innblástur. Ísland er engu líkt og hefur með sinni fallegu náttúru náð að verða einn vinsælasti ferðamannastaður í heimi. Það er líka áhugavert að upplifa hversu vel Íslendingum gengur í gestgjafahlutverkinu og ferðalag til Íslands stendur undir væntingum. Við óskum því öllum til hamingju með velgegnina.“ 

Stóraukning í flugi milli Íslands og Bergen

Þann 17. ágúst á næsta ári verður ný flugstöð við Flesland tekin í notkun en flugfarþegum í Bergen hefur fjölgað um nærri helming síðastliðinn áratug. Að sögn Framholt hefur aukning verið mest í millilandaflugi. „Bergen og firðirnir eru, eins og Ísland, spennandi áfangastaður fyrir túrista. Í samstarfi við flugfélögin vinnum við því stöðugt að því að bæta framboð á ferðum hingað og í dag er í boði beint flug héðan inn á stóra flugvelli sem eru með góðar tengingar við áfangastaði út um allan heim. Við vonumst líka eftir vexti í umferðinni milli Bergen og Reykjavíkur og sjáum að áætlunarflug Icelandair og Norwegian á þessari leið hefur verið mikilvægt fyrir báðar borgir,“ segir Framholt. Hún bætir því við að í ár hafi um 34 þúsund farþegar flogið milli Íslands og Bergen sem er nærri þrefalt fleiri en árið 2012.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …