Samfélagsmiðlar

Fljúga beint til Egilsstaða með breska skólakrakka

egilsstadaflugvollur

Fararstjórar breska nemenda vildu komast út á land í stað þess að dvelja með þau á suðvesturhorninu. Fararstjórar breska nemenda vildu komast út á land í stað þess að dvelja með þau á suðvesturhorninu.
Þó ekki verði framhald á áætlunarflugi Discover the World milli Lundúna og Egilsstaða næsta sumar þá ætla forsvarsmenn þessarar bresku ferðaskrifstofu að bjóða skólahópum, þar í landi, upp á beint flug á Austfirði. Fyrsta ferðin verður farin í október og að sögn Clive Stacey, forstjóra og stofnanda Discover the World, er nú þegar uppselt í hana. Hann segir að fleiri brottförum verði bætt við ef eftirspurn reynist næg og er ætlunin að starfrækja þessar ferðir í tengslum við árleg skólafrí í Bretlandi sem haldin eru í febrúar, yfir páska og svo í október.

Of margir á suðvesturhornið

Discover the World hefur um langt skeið skipulagt ferðir fyrir breska skólahópa og segir Stacey að frumkvæðið að þessu flugi til Egilsstaða hafi meðal annars komið frá þeim kennurum sem fylgt hafi nemendum sínum til Íslands um árabil en finnist núna suðvesturhornið orðið of þéttsetið af ferðamönnum. „Við erum því mjög ánægð að geta boðið þessu fólki upp á nýjan valkost því annars er allt eins líklegt að þau hefðu hætt að leggja leið sína til Íslands með nemendur sína.”
Sem fyrr segir þá verður áætlunarfluginu til Egilsstaða frá Gatwick ekki haldið áfram á næsta sumar en verkefnið hlaut 10 milljón króna styrk úr hinum nýstofnaða flugjöfnunarsjóði samkvæmt frétt Austurfréttar.

Vonast eftir samstarfi um flug til Akureyrar

Tvær umsóknir hafa borist sjóðnum vegna fyrirhugaðs flugs á næsta ári samkvæmt svari Valgerðar Benediktsdóttur, formanni sjóðsins, við fyrirspurn Túrista. Ekki fæst hins vegar uppgefið um hvers konar flug er að ræða og hvort ferðinni er heitið til Egilsstaða eða Akureyrar. Hvorug umsóknin er þó frá ferðaskrifstofunni Trans-Atlantic en forsvarsmenn hennar unnu að því að koma á reglulegu flugi milli Akureyrar og Kaupmannahafnar í fyrra. Þar hefur verkefnið hins vegar ekki verið slegið út af borðinu „Við erum alltaf að skoða og spjalla við menn hvort það sé einhver flötur til samstarfs um þetta og höldum áfram að vera vongóðir um breitt samstarf,” segir Egill Örn Arnarson Hansen hjá Trans-Atlantic.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …