Samfélagsmiðlar

Farmiðinn til New York um helgina lækkar um fjórðung

newyork loft Troy Jarrell

Það borgar sig ekki alltaf að bóka farmiðana með löngum fyrirvara. Það borgar sig ekki alltaf að bóka farmiðana með löngum fyrirvara.
Sá sem bókar í dag flugmiða með Delta til New York á föstudaginn og heim í byrjun næstu viku fær farið á rúmar 64 þúsund krónur. Farþegi sem gekk frá pöntun á sætum í þessar sömu flugferðir fyrir 10 vikum síðan þurfti hins vegar að greiða 99 þúsund krónur. Farmiðinn hefur s.s. lækkað um nærri fjórðung frá sumarlokum samkvæmt verðkönnunum Túrista. Verðþróunin er sambærileg hjá Delta næstu helgar á eftir eins og sjá má á efsta grafinu hér fyrir neðan. Hjá Icelandair hafa fargjöldin aftur á móti hækkað verulega á þessu tímabili og þeir sem bóka í dag helgarflug til New York í nóvember eða desember borga mun meira fyrir farið en hjá Delta eða WOW air. Farmiðaverðið hjá WOW air hefur líka farið hækkandi en félagið fer jómfrúarferð sína til New York í lok þessa mánaðar. Þess ber að geta að í verðkönnunum Túrista er farangursgjaldi WOW air bætt við lægsta verðið á hverjum tíma. Farþegar Icelandair geta hins vegar tekið með sér tvær töskur í flugi til Bandaríkjanna og hjá Delta er ein taska innifalin.
Túristi mælir með leitarvél Momondo fyrir þá sem vilja bera saman verð félaganna á öðrum dagsetningum og jafnvel hvort það geti verið ódýrari að fljúga út með einu félagi en heim með öðru.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …