Samfélagsmiðlar

Hvernig er að fljúga með Vueling?

Spænska lággjaldaflugfélagið Vueling hóf að fljúga til Íslands fyrir nokkrum árum síðan frá heimahöfn sinni í Barcelona. Túristi flaug með félaginu í fyrsta skipti nýverið.

vueling airbus

 

Fargjöldin
Hægt er að velja á milli þriggja mismunandi tegunda af farmiðum. Basic kallast þeir ódýrustu og um er að ræða berstrípaða flugmiða. Þeir sem vilja innrita tösku og velja sér sæti um leið geta keypt Optima farmiða og Excellence er fyrir þá sem vilja allt innifalið og líka aðgang að hinum svokölluðu betri stofum flugstöðvanna.

Innritun
Allt að fjórum dögum fyrir brottför er hægt að innrita sig í flugið á heimasíðu flugfélagsins eða í gegnum app. Miðana má svo geyma í símanum og því óþarfi að prenta út nema maður kjósi það sérstaklega.

Sætin
Flugfloti Vueling samanstendur aðallega af Airbus A320 vélum með sæti fyrir 180 farþega. Og eins og hjá öðrum lággjaldafélögum þá sitja allir á sama farrými en hægt er að borga aukalega fyrir meira fótapláss, t.d. við neyðarútgang. Útsendari Túrista, sem er tæplega 190 sm á hæð, sat í hefðbundnu sæti og á leiðinni til Barcelona var rýmið fyrir lappirnar gott. Það skrifast þó ekki á rýmið milli sætaraða heldur þá staðreynd að í vélinni voru nýmóðins flugsæti sem eru með þynnri og mjórri sætisbökum en áður tíðkaðist. Með þessari nýjung verður til auka pláss milli sætisraða sem kemur sér vel fyrir þá lappalöngu. Ókosturinn er hins vegar sá að sætin eru ekki eins mjúk og borðin eru nokkru minni, álíka breið og meðalstór spjaldtölva. Á leiðinni heim frá Barcelona var vélin hins vegar útbúin hefðbundnum sætum sem eru mýkri og stærri en þá varð fótaplássið um leið minna.

Maturinn
Flugið milli Barcelona og Keflavíkurflugvallar tekur rúma fjóra tíma og á heimleiðinni er lagt í hann frá Terminal 1 á El Prat um kvöldmatarleytið. Það er því hætt við að hungrið segi til sín eftir flugtak. Stærstu réttirnir sem eru á boðstólum eru langlokur með annars vegar með hráskinku og osti og hins vegar með tómötum og fetaosti. Þó þær séu ekkert lostæti þá eru þær mun betri en hinar klassískur baguette með brauðskinku og osti sem lengi hafa verið í boði í Íslandsflugi. Brauðmetið hjá Vueling kostar 6,5 evrur (um 790 kr.) og fyrir sömu upphæð má fá barnabox fyrir þau yngstu en innihaldið er heldur óhollt. Fyrir litla vatnsflösku greiðir maður 2,1 evru (255 kr.), kaffið og gos er á 2,6 evrur (320kr.) og bjórinn á 3,5 (420 kr). Þeir sem vilja byrja eða enda ferðalagið með cava borga 5,5 evrur (670 kr.)fyrir litla flösku.

Lesefni
Flugtímarit Vueling heitir Ling og eins og gefur að skilja er þar fókusað á ferðatengt efni og þá auðvitað um áfangastaði Vueling. Þarna eru stutt viðtöl við heimafólk, hugmyndir að dagskrá í ferðalaginu og þess háttar. Tímaritið er skreytt með skemmtilega teiknuðum kortum og ljósmyndirnar eru meira í anda dagblaða en glanstímarita. Og til marks um hversu ferskt rit Ling er þá þar ekki að finna hin klassíska leiðara forstjóra flugfélagsins sem sennilega fáir sakna enda eru þeir sjaldnast annað en auglýsingatexti settur í ögn hátíðlegri búning.

Þjónustan um borð
Líkt og gerist og gengur í fluginu þá hefst sala á veitingum um leið og sætisljósin slökkna og þeir svöngu þurfa því ekki að bíða lengi. Áhafnarmeðlimir Vueling eru duglegir við að ganga um farþegarýmið og taka rusl.
SJÁ HEIMASÍÐU VUELING

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …