Þú þarft í langt ferðalag frá Íslandi til að komast til flestra þeirra borga sem eru á þessum lista.
Travel+Leisture er eitt útbreiddasta ferðatímaritið vestanhafs og árlega efnir blaðið til viðamikillar lesendakönnunar þar sem fólk er meðal annars beðið um nefna þann áfangastað sem er í uppáhaldi. Niðurstöðurnar liggja nú fyrir og í ár var það bandaríska borgin Charleston í Suður-Karólínu sem fékk flest atkvæði en borgin skorar vanalega hátt í könnunum Travel+Leisure. Í öðru sæti varð Chiang Mai í Taílandi og San Miguel de Allende í Mexíkó fékk bronsið. Í ljósi fjarlægðarinnar má gera ráð fyrir að margir hér á landi hafi ekki heimsótt þessar þrjár borgir og reyndar á Evrópa fáa fulltrúa á lista Travel+Leisure eins og sjá má hér fyrir neðan.
Bestu ferðamannaborgir ársins að mati Travel+Leisure
- Charleston, Bandaríkin
- Chiang Mai, Taíland
- San Miguel de Allende, Mexíkó
- Flórens, Ítalía
- Luang Prabang, Laos
- Kyoto, Japan
- New Orleans, Bandaríkin
- Barcelona, Spánn
- Savannah, Bandaríkin
- Höfðaborg, S-Afríka
- Róm, Ítalía
- Beirut, Líbanon
- Siem Reap, Kambódía
- Bangkok, Taíland
- Cuzco, Perú
Hér má sjá sjónvarpsmanninn Stephen Colbert fagna kjöri Charleston en hann einmitt uppalinn þar í borg.