Samfélagsmiðlar

60 milljónir ferðamanna til New York

newyork loft Troy Jarrell

Aldrei hafa eins margir sótt heim fjölmennustu borg Bandaríkjanna. Íslenskir gestir þar í bæ eru hins vegar ekki taldir sérstaklega. Aldrei hafa eins margir sótt heim fjölmennustu borg Bandaríkjanna. Íslenskir gestir þar í bæ eru hins vegar ekki taldir sérstaklega.
Sjöunda árið í röð hefur ferðamannastraumurinn til New York borgar aukist frá fyrra ári og í heildina er búist við að 60,3 milljónir ferðamanna hafi lagt leið sína þangað þegar árið verður gert upp. Þetta kemur fram í tilkynningu frá borgarstjóranum, Bill de Blasio, en þar segir jafnframt að 375 þúsund ný störf hafi orðið til í borginni í ár í tengslum við ferðaþjónustuna sem er aukning um 15 þúsund stöðugildi frá árinu á undan.
Langflestir, í hópi ferðafólks í New York, eru Bandaríkjamenn sjálfir en í heildina hafa um 13 milljónir túrista komið frá útlöndum. Þar af eru Skandinavar stór hópur og hefur þeim fjölgað um nærri tíund síðustu tvö ár. Sérstöku bókhaldi yfir fjölda íslenska ferðamanna í borginni er hins vegar ekki haldið úti samkvæmt upplýsingum frá ferðamálaráði New York. Það er þó óhætt að fullyrða að Íslendingum í New York hafi fjölgað verulega síðustu misseri enda hefur framboð á flugi héðan til borgarinnar aukist verulega og ferðagleði landans er í hámarki um þessar mundir.

Stefna að betri dreifingu ferðamanna um borgina

Á fundi með norrænum ferðablaðamönnum í Stokkhólmi haust sögðu forsvarsmenn ferðamála í New York að það væri mikil áskorun að fá túrista til að fara víðar um borgarlandið. Í dag heldur nefnilega meginþorri gestanna til á Manhattan og einhverjir fara yfir til Brooklyn. Miklu færri heimsækja hin þrjú hverfin, Bronx, Queens og Staten Island. Með aukinni afþreyingu og uppbyggingu hótela í þessum þremur síðarnefndum borgarhlutum er vonast til að á þessu verði breyting. Yfirvöld í borginni sem aldrei sefur eiga þó við annan klassískan vanda í ferðaþjónustu að etja og það eru vetrarferðirnar. Í janúar og fram í febrúar koma alltof fáir ferðamenn og af þeim sökum er boðið upp á sérkjör á veitingastöðum, hótelum og leikhúsum borgarinnar fyrstu vikur ársins undir kjörorðinu Nonstop NYC í von um að fá fleiri til að leggja leið sína til New York á þeim tíma árs.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …