Samfélagsmiðlar

Ferðaþjónustan á fullu yfir hátíðarnar

Mynd: Sigurjón Ragnar/sr-photos.com

Ferðamenn á höfuðborgarsvæðinu hafa úr töluverðu að moða yfir jólin. Ferðamenn á höfuðborgarsvæðinu hafa úr töluverðu að moða yfir jólin.
Á Þorláksmessu lentu sextíu farþegaþotur á Keflavíkurflugvelli og í dag eru gert ráð fyrir fjörtíu og tveimur flugvélum. Í þessum rúmlega eitt hundrað þotum eru sæti fyrir um 17 til 20 þúsund farþega og hlutfall erlenda ferðamanna um borð í vélunum er hátt. Það er alla vega raunin hjá Icelandair en félagið stendur undir um helmingi allra flugferða til og frá landinu í desember. Að sögn Guðjóns Arngrímssonar, talsmanns Icelandair, eru vélarnar sem koma í dag þéttbókaðar og eru útlendingar langstærsti hluti farþeganna á aðfangadag. Og þar sem Icelandair gerir hlé á áætlun sinni á jóladag þá má gera ráð fyrir að ferðamennirnir dvelji hér að minnsta kosti fram til annars í jólum. 

Sjöfalt fleiri flugferðir

Umferðin um Keflavíkurflugvöll yfir jól hefur aukist hratt síðustu ár og til að mynda lentu hér aðeins sex þotur á  aðfangadag árið 2011 og þær voru tíu ári síðar samkvæmt talningum Túrista. Þá var heldur ekki boðið upp á neinar ferðir á jóladag en á morgun koma hingað þrjár þotur á vegum Delta og Airberlin. Þessi stóraukni ferðamannastraumur hingað yfir jól kallar á miklar breytingar hjá ferðaþjónustufyrirtækjum og til að mynda halda tvö stærstu rútufyrirtæki landsins uppi nærri hefðbundinni dagskrá yfir jól. Þannig mun á þriðja þúsund farþega fara í skoðunarferðir á jóladag á vegum Gray Line og farþegafjöldinn er álíka annan dag í jóla. Kristján Daníelsson, forstjóri Kynnisferða, segir alltaf vel bókað í ferðir yfir hátíðarnar en fyrirtækið býður meðal annars upp á sérstaka jólagöngu um Reykjavík í dag.

Margir á hestbak og í Bláa lónið  

Það er uppselt í alla útreiðatúra hjá Íshestum í dag og mun fyrirtækið í fyrsta skipti í ár hafa opið á jóladag. Sú nýbreytni mælist vel fyrir því að sögn Skarphéðins Steinarsson, framkvæmdastjóra, er nær uppselt í útreiðatúra morgundagsins. Í Bláa lóninu hefur opnunartíminn yfir jólin líka verið lengdur og segir Magnea Guðmundsdóttir, upplýsingafulltrúi fyrirtækisins, að hátíðarnar séu vinsæll tími til að heimsækja Bláa Lónið „Það er nánast fullbókað hjá okkur og hafa langflestir gesta okkar pantað heimsókn sína með góðum fyrirvara. Til að mæta eftirspurn yfir hátíðarnar þá höfum við lengt opnunartíma miðað við það sem verið hefur undanfarin ár á t.d. Þorláksmessu, aðfangadag, jóladag og á gamlársdag.“

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …