Hótelin í Reykjavík meðal þeirra dýrustu í Evrópu

Mynd: Sigurjón Ragnar/sr-photos.com

Leita þarf til Monte Carlo og Genfar til að finna dýrari evrópsk hótel en þau í Reykjavík. Leita þarf til Monte Carlo og Genfar til að finna dýrari evrópsk hótel en þau í Reykjavík.
Gestir reyk­vískra hótela í desember hafa að jafnaði borgað tæpar 23 þúsund krónur að meðal­tali fyrir tveggja manna herbergi í eina nótt. Þetta er um þrjú þúsund krónum meira en á sama tíma í fyrra samkvæmt verð­könn­unum fyrir­tæk­isins Trivago sem ber saman leit­arnið­ur­stöður á meira en 200 hótel­bók­un­ar­síðum. Fyrir­tækið birti í vikunni lista yfir hótel­verð í desember í 50 evrópskum borgum en þar var Reykjavík ekki á meðal en samkvæmt svari fyrir­tæk­isins til Túrista þá var meðal­verðið í íslensku höfuð­borg­inni 22.895 krónur sem er hærra en í öllum hinum borg­unum að undan­skildum Monte Carlo í Mónakó og Genf í Sviss. Þær tvær borgir eru alla jafna á listum yfir dýrustu borgir heims, ekki bara fyrir ferða­menn heldur líka íbúana.
Í svari Trivago til Túrista kemur jafn­framt fram að meðal­verð á tveggja manna herbergi í Reykjavík hefur hækkað um nærri fimmtung í verði frá desember 2015. Þá var gist­ingin til að mynda nokkru dýrari í Kaup­manna­höfn en hér á landi en nú hefur staðan breyst eins og sjá má á töfl­unni hér fyrir neðan.