Samfélagsmiðlar

Ódýrt flug en fínt hótel í Madríd, París, Berlín og Amsterdam

paris Ile de la cite

Er lágt flugfargjald ekki ágætis réttlæting fyrir því að bóka frekar fínt hótel? Er lágt flugfargjald ekki ágætis réttlæting fyrir því að bóka frekar fínt hótel?
Það er frekar dauft yfir ferðaþjónustunni í evrópskum borgum á fyrsta ársfjórðungi og þá bjóðast oft lág fargjöld og ódýrar gistingar. Og vegna þess hve samkeppnin er mikil í flugi til og frá landinu og gengi krónunnar sterkt þá er hægt að setja saman mjög ódýrar borgarferðir næstu mánuði. Þeir sem vilja hins vegar búa á frekar fallegu hóteli þar sem gaman er að vera geta í þessari viku fundið nokkur góð tilboð á vef Tablet Hotels. En sú bókunarsíða sérhæfir sig í gistingu á svokölluðum „Boutique“ og „Design“ hótelum. Hér fyrir neðan má sjá verðdæmi fyrir flug og gistingu fyrir þá sem gætu hugsað sér að skreppa til Madrídar, Parísar, Amsterdam eða Berlínar í byrjun næsta árs.

Madríd

tablet madridÍ fyrsta skipti í vetur er í boði beint flug héðan til höfuðborgar Spánar því þotur Norwegian munu fljúga á milli alla þriðjudaga og laugardaga. Flugið, báðar leiðir, kostar flestar helgar í janúar, febrúar og mars aðeins 16.554 krónur en borga þarf aukalega fyrir farangur. Og flestar þessar helgar er hægt að fá sérkjör á þremur góðum hótelum þar í borg; Totem (frá 14.500 kr.), Me Madrid (frá 19þús. kr.) og Urso (19 þús. kr.). Tveggja manna herbergi kosta á bilinu 15 til 19 þúsund krónur.

París

tablet parisUmferðin til Parísar frá Keflavíkurflugvelli hefur aldrei verið meiri. Nú lendir Icelandair bæði á Charles de Gaulle og Orly flugvelli og vélar WOW halda til þess fyrrnefnda. Daglega er því úr nokkrum brottförum að velja og ódýrustu miðarnir fyrstu þrjá mánuði næsta árs kosta frá 11 þúsund krónum hjá WOW (auk farangursgjalds) en 15 þúsund hjá Icelandair. Á útsölu Tablet er að finna þrjú hótel og eitt íbúðarhótel í borginni. Hotel Adéle&Jules (frá 22þús. kr), Bachaumont (frá 17.500 kr), Duo (fr. 15.500 kr) og íbúðir hjá Residence Nell (frá 27þús kr.).

Amsterdam og Berlín

tablet amsterdam berlinLíkt og til Parísar fljúga bæði íslensku félögin jafnt og þétt til Amsterdam og lægstu fargjöldin eru svipuð og til frönsku höfuðborgarinnar. Á Sir Albert hótelinu kostar nóttin frá 17 þúsund kr. Til Berlínar fljúga svo WOW air (frá 8 þúsund kr.) og Airberlin (frá. 12 þúsund kr). og þar kostar ódýrasta nóttin á Titanic Gendarmenmarkt aðeins um 13 þúsund krónur á því hóteli er tyrknesk spa með hamam.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …