Samfélagsmiðlar

Tvísýnt með beint flug til Rómar í sumar

colosseum rom

Ekki víst að boðið verði upp á beint flug til höfuðborgar Ítalíu á næsta ári. Síðustu tvö sumur hafa bæði Vueling og WOW air boðið upp á beint flug til höfuðborgar Ítalíu. Það fyrrnefnda hefur gefið flugleiðina upp á bátinn og WOW air hefur ekki ennþá sett Róm á sumardagskrána.
Lengi vel takmarkaðist áætlunarflug milli Íslands og Ítalíu við sumarferðir Icelandair til Mílanó. Iceland Express bauð svo upp á flug til Bologna um skeið og þegar WOW air hóf starfsemi þá var Mílanó eini ítalski áfangastaður félagsins. Á því varð breyting í fyrrasumar þegar WOW fór jómfrúarferð sína til Rómar en á sama tíma hóf spænska lággjaldaflugfélagið Vueling að fljúga tvisvar í viku til Íslands frá Leonardo da Vinci flugvelli í Róm. Bæði þessi flugfélög héldu uppteknum hætti síðastliðið sumar en nú hafa forsvarsmenn Vueling ákveðið að taka þráðinn ekki upp á næsta ári en þess í stað einbeita sér að heilsársflugi hingað frá Barcelona samkvæmt svari upplýsingafulltrúa félagsins til Túrista. Á heimasíðu WOW air er ennþá ekki hægt að bóka flug til Rómar og ástæðan er sú, að sögn Svanhvítar Friðriksdóttur, talskonu WOW air, að endanleg sumaráætlun félagsins verður ekki tilbúin fyrr en í lok janúar eða í byrjun febrúar. Nánari upplýsingar um framhalda Rómarflug WOW liggja ekki fyrir fyrr en þá.

Of langt til Rómar?

Það tekur hátt í 5 tíma að fljúga héðan til höfuðborgar Ítalíu og það er með því lengsta sem íslensku flugfélögin fljúga yfir á meginland Evrópu. Til að mynda eru flugtíminn til allra áfangastaða Icelandair í Evrópu, fyrir utan Madríd, í mesta lagi rúmlega fjórir klukkutímar en þannig nær félagið að tengja saman flug frá N-Ameríku og Evrópu innan sólarhringsins. WOW air hefur tekið upp sama fyrirkomulag og það er því ekki víst að flug til Rómar henti leiðakerfi félagsins eins vel á næsta ári og það hefur gert síðustu tvö sumur.

Nýr ítalskur áfangastaður á næsta ári

En þó Rómarflug myndi leggjast af þá munu farþegar á Keflavíkurflugvelli áfram getað flogið reglulega til tveggja ítalskra áfangastaða næsta sumar því Primera air ætlar að hefja flug milli Íslands og Trieste líkt og Túristi greindi frá. Þær ferðir verða í boði frá lokum maí og til enda ágústmánaðar en Trieste liggur í norðausturhorni Ítalíu, ekki langt frá Feneyjum og alveg við landamærin að Slóveníu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …