Samfélagsmiðlar

Ríkisskattstjóri haft afskipti af hundruðum mála tengdum ferðaþjónustunni

Mynd: Sigurjón Ragnar/sr-photos.com

Á sama tíma og mikill uppgangur hefur orðið í ferðaþjónustu hafa skattaundanskot í greininni verið til umræðu og sérstaklega í kringum leigu á húsnæði til ferðamanna. Á sama tíma og mikill uppgangur hefur orðið í ferðaþjónustu hafa skattaundanskot í greininni verið til umræðu og sérstaklega í kringum leigu á húsnæði til ferðamanna.
Um áramót gengu í gildi nýjar og strangari reglur um skammatímaleigu á húsnæði. Nú verða allir leigusalar að skrá eignir sínar og í framhaldinu mega þeir að hámarki leigja út í 90 daga á ári og tekjurnar skulu ekki fara yfir 2 milljónir á tímabilinu. Allt umfram þetta er brot á lögum um heimagistingu og geta sektirnar numið allt að einni milljón króna. Það er Sýslumaðurinn á höfuðborgarsvæðinu sem heldur utan um skráningu og hefur eftirlit með að nýju reglunum sé fylgt og munu starfsmenn embættisins halda úti athugunum á bókunarvefjum eins og Airbnb en þar eru leigusalar til að mynda skyldugir til að birta áður nefnd skráningarnúmer. Sýslumaðurinn tekur einnig við ábendingum frá almennum borgurum um hugsanleg brot á reglum um heimagistingu líkt og Túristi greindi frá.

Skráningu ábótavant

Eftirlit með tekjum af skammtímaleigu og greiðslu gistináttaskatts er hins vegar í höndum skattayfirvalda og samkvæmt svari frá ríkisskattstjóra þá hefur embættið skoðað ýmsa þætti í ferðaþjónustu og það hefur haft í för með sér leiðbeiningar eða endurákvarðanir í hundruðum mála, þar á meðal hjá einyrkjum. En endurspegla tekjur ríkisins af gistináttagjaldi aukin umsvif fyrirtækja eins og Airbnb hér á landi? „Það er mat ríkisskattstjóra að skráningu aðila á gistináttaskrá sé nokkuð ábótavant og skráningin sem slík gefi því ekki rétta mynd af framtöldum tekjum vegna þessarar starfsemi. Útleiga fyrir milligöngu Airbnb leiðir þó ekki ein og sér til skráningar á gistináttaskrá þar sem umsvif og fleira eru forsendur skráningar. Aðilar eru þannig færðir á skrá að eigin frumkvæði eða eftir því sem uppgötvast við eftirlit.” En hefur embættið tök á því að fylgjast með því að leigutekjur einstaklinga fari ekki yfir hið nýja 2 milljón króna hámark, t.d. með því að skoða erlendar greiðslur til íslenskra leigusala? „Aðkoma ríkisskattstjóra er með sama hætti og varðar alla skattskylda aðila og almennt eftirlit með því að skattskyldar tekjur skili sér.”

Ekkert samstarf við Airbnb

Reynsla yfirvalda í París og víðar er sú að skattar tengdir útleigu á íbúðahúsnæði til ferðamanna skili sér illa og því hafa Airbnb og önnur sambærileg fyrirtæki verið skikkuð til að innheimta hótelskatta í frönsku höfuðborginni. Talsmaður Airbnb sagði í svari til Túrista í síðustu viku að fyrirtækið gæti einnig unnið með íslenskum skattayfirvöldum að þess háttar innheimtu. Þessi leið hefur ekki verið skoðuð hér á landi því samkvæmt svari frá embætti ríkisskattstjóra þá er framkvæmdin í dag í samræmi við gildandi rétt og breytingar á honum eru ekki alfarið á valdsviði embættisins.

 
Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …