Fleiri flugfarþegar en á annasömum sumardegi

Vel á fimmta þúsund farþegar voru innritaðir í morgunflug á Keflavíkurflugvelli í morgun. Vel á fimmta þúsund farþegar voru innritaðir í morgunflug á Keflavíkurflugvelli í morgun.
Yfir hásumarið er algengt að 3 til 4 þúsund farþegar fari um innritunarsal Flugstöðvar Leifs Eiríkssonar á hverjum morgni. Í dag voru farþegarnir í morgunsárið ívið fleiri eða 4.455 talsins samkvæmt upplýsingum frá Guðna Sigurðssyni, talsmanni Isavia. Hann segir umferðina í morgun hafa jafnast á við það sem mest gerist á flugvellinum og mynduðust langar raðir við vopnaleitina milli klukkan tíu mínútur í sex og sjö. Þá var meðalbiðtími við öryggishliðin 20 mínútur. Á nýársdag voru morgunfarþegarnir 4.118 og þá var biðtíminn að jafnaði um 7 til 8 mínútur.

27 morgunflug

Eins og fram hefur komið var ásókn í Íslandsferðir mun meiri yfir þessi áramót en dæmi eru um og það skýrir hina miklu umferð til og frá Keflavíkurflugvelli þessa fyrstu daga ársins. Í dag tóku til að mynda 27 farþegarþotur á loft frá Keflavíkurflugvelli fyrir klukkan níu í morgun sem er sambærilegt við ferðafjöldann á hefðbundnum sumarmorgni. Að jafnaði seinkaði brottförum morgunsins um 22 mínútur samkvæmt útreikningum Túrista.

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.