Samfélagsmiðlar

Stórauka Íslandsflugið löngu fyrir í jómfrúarferðina

Stjórnendur stærsta flugfélags Finnlands líta ekki lengur á Ísland sem sumaráfangastað heldur ætla að bjóða upp á flug hingað allt árið um kring.

finnair a

Um páskana hefst áætlunarflug Finnair hingað til lands frá höfuðborg Finnlands en félagið hefur ekki áður flogið reglulega til Íslands. Upphaflega stóð til að bjóða upp á fjórar ferðir í viku frá vori og fram á haust en vegna mikillar eftirspurnar hafa forsvarsmenn félagsins ákveðið að bæta við einni ferð í viku og bjóða upp á Íslandsflug allt árið um kring.
Finnska flugfélagið er stórtækt í flugi til Austurlanda fjær og aðspurður segir Simon Barrette, upplýsingafulltrúi félagsins, að mikil eftirspurn eftir Íslandsferðum í Kína og Japan sé ein helsta ástæðan fyrir þessari breytingu á áætlun Finnair. Hann segir þó að áhugi Finna sjálfra á fluginu sé líka mikill.

Hugsanlega fleiri ferðamenn frá Asíu og Ástralíu

Á sama hátt og Icelandair, og nú WOW air, hafa nýtt sér legu Íslands til að bjóða upp á tíðar ferðir til margra áfangastaða í N-Ameríku þá hefur leiðakerfi þjóðarflugfélags Finna verið byggt upp í kringum flug til Asíu, Ástralíu og Nýja-Sjálands. Flugtíminn frá Helsinki til þessara landa er nefnilega oft styttri en frá flugvöllum á meginlandi Evrópu. Í dag flýgur Finnair til 5 kínverskra borga, fjögurra japanskra auk áfangastaða í Ástralíu, S-Kóreu, Indlandi og víðar og með Íslandsflugi Finnair gæti ferðamenn frá þessum löndum orðið tíðari gestir hér á landi. Á síðasta ári komu um 67 þúsund kínverskir ferðamenn sem var aukning upp á 40 prósent frá árinu 2015. Japanirnir voru þrefalt færri en þeim fjölgaði þó líka um mikið eða um ríflega þriðjung í fyrra.

Finnair og Icelandair hafa átt í samstarfi í flugi á milli Íslands og Helsinki og hafa ferðir Icelandair til að mynda verið sammerktar Finnair (Code share) og mun hið nýja áætlunarflug Finnair til Íslands ekki hafa áhrif á það samstarf samkvæmt upplýsingum frá Finnair. Íslendingar á leið til Asíu ættu því áfram flogið á einum miða með Icelandair og Finnair alla daga en yrðu ekki aðeins bundnir við áætlun Finnair.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …