Innanlandsflug gæti fengið ríkisstyrk

Innanlandsflug verður ekki útilokað lengur frá styrkjum en aðeins hafa borist þrjár umsóknir um styrki fyrir millilandaflug til Akureyrar og Egilsstaða. Innanlandsflug verður ekki útilokað lengur frá styrkjum en aðeins hafa borist þrjár umsóknir um styrki fyrir millilandaflug til Akureyrar og Egilsstaða.
Síðastliðið haust samþykkti ríkisstjórn Íslands stofnun Flugþróunarsjóðs en markmiðið með honum er að efla millilandaflug til og frá Akureyri og Egilsstöðum. Sjóðurinn hefur til ráðstöfunar 300 milljónir króna á ári til ársins 2019 auk 100 milljóna króna fyrir síðasta ár. Samtals verður því milljarður settur í þetta verkefni að því gefnu að einhver flugfélög sýni reglulegu millilandaflugi frá landsbyggðinni áhuga.
Í fyrra bárust þrjár umsóknir til sjóðsins og þar af afgreiddi stjórn hans eina, 10 milljón króna styrk í tengslum við flug frá London til Egilsstaða sl. sumar.
Ekki hafa borist frekari umsóknir í ár samkvæmt upplýsingum frá Flugþróunarsjóði og þar sem áætlanir flugfélaga eru alla jafna kynntar með góðum fyrirvara er ekki útlit fyrir að það gangi verulega á fjármagn sjóðsins í ár.

Innanlandsfulug líka gjaldgengt

Í reglum Flugþróunarsjóðs segir að það sé forsenda styrkveitingar úr honum að um sé að ræða beint flug frá útlöndum og þar með er allt innanlandsflug útilokað frá styrkjum. Samkvæmt heimildum Túrista stendur hins vegar til að gera breytingar reglunum og opna fyrir styrki fyrir innanlandflug í tengslum við millilandaflug. Ef af þessu verður þá gætu til að mynda forsvarsmenn Flugfélags Íslands sótt um styrk fyrir áætlunarflug félagsins milli Keflavíkurflugvallar og Akureyrar sem hefst í næsta mánuði. Samkvæmt upplýsingum frá atvinnuvegaráðuneytinu þá er von á tilkynningu um breytingar á reglum sjóðsins á næstu dögum.

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.