Samfélagsmiðlar

Ísland vinsælt þrátt fyrir ferðamannastrauminn

reykjavik Tim Wright

Þrátt fyrir frekar neikvæða umfjöllun heimspressunnar um fjölgun ferðalanga hér á landi þá er Ísland annar vinsælasti áfangastaðurinn hjá notendum einnar stærstu ferðaleitarvélarinnar vestanhafs. Þrátt fyrir frekar neikvæða umfjöllun heimspressunnar um fjölgun ferðalanga hér á landi þá er Ísland annar vinsælasti áfangastaðurinn hjá notendum einnar stærstu ferðaleitarvélarinnar vestanhafs.
Í fyrra komu hingað ríflega 415 þúsund bandarískir túristar og fjölgaði þeim um 71 prósent frá árinu á undan. Engin þjóð er fjölmennari í hópi ferðamanna hér á landi og þessar miklu vinsældir Íslands meðal Bandaríkjamanna fóru ekki fram hjá fjölmiðlum þar í landi. Og stundum var tónninn frekar neikvæður og því meðal annars haldið fram að á Íslandi væru fleiri Bandaríkjamenn en heimamenn. Á sama hátt mætti segja að ríflega sex sinnum fleiri túristar en New York búar hafi farið um götur Manhattan í fyrra því rúmlega 60 milljónir ferðamanna lögðu leið sín til New York í fyrra. Þar í borg, líkt og hér á landi, dreifast gestakomurnar nokkuð jafnt yfir árið enda takmarkast flugsamgöngurnar ekki við sumarið eða annan árstíma. Frá Keflavíkurflugvelli er til að mynda allt árið um kring til fleiri bandarískra borga en frá stærstu flugvöllum frændþjóðanna.
 
Umfjöllun um ferðamannastrauminn hingað virðist hins vegar ekki draga úr áhuga Bandaríkjamanna á Íslandsferðum því samkvæmt nýjum lista ferðavefsins Kayak þá hafa notendur síðunnar gert nærri tvöfalt fleiri leitir eftir flugmiðum til Íslands undanfarið en þeir gerðu á sama tíma fyrir ári síðan. Aðeins Havana á Kúbu kemst hærra á listann yfir þá erlendu áfangastaði sem hafa aukið vinsældir sínar svona mikið en hafa ber í huga að beint flug frá Bandaríkjunum til Kúbu var fyrst leyft á ný á síðasta ári. Í þriðja sæti er Auckland á Nýja Sjálandi, Balí er í fjórða og Tókýó í því fimmta. Lissabon en eina aðra evrópska borgin á lista Kayak og er sú portúgalska í áttunda sæti.

Sú staðreynd að Reykjavík kemst svona ofarlega á blað hjá Kayak er svo ástæðan fyrir því að bissnessritið Forbes setur Ísland á lista yfir þá ferðamannastaði í ár sem eru mest í tísku og í blaðið nefnir einnig hinn átta herbergja gististað Tower Suites í Höfðaborg í Reykjavík sem gott dæmi um nýjustu strauma og stefnur í ferðaþjónustunni enda væri fólk sífellt að leita í minni og persónulegri gistingu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …