Samfélagsmiðlar

Loksins tónaflóð við hafnarbakkann í Hamborg

hamborg elbphilharmonie thies raetzke 0009

Tíu ára framkvæmdum við hið ótrúlega tónlistarhús Hamborgar er lokið og nú laðar það jafnt að sér áhugafólk um tónlist og byggingarlist. Tíu ára framkvæmdum við hið ótrúlega tónlistarhús Hamborgar er lokið og nú laðar það jafnt að sér áhugafólk um tónlist og byggingarlist.
Þar sem áður stóðu pakkhús fyrir kakó, te og kaffi á Kaispeicher-A bryggjunni í Hamborg hefur nú risið óviðjafnanleg bygging sem hér eftir verður heimavöllur fílharmoníuhljómsveitar þessarar næst fjölmennstu borgar Þýskalands. „Elphie“, eins og heimamenn kalla húsið, hefur verið í byggingu í áratug og má segja að það hafi eiginlega orðið helsta kennileiti borgarinnar um leið og það var tilbúið að utan. Þessi 110 metra háa tónlistarhöll er nefnilega engu lík, alla vega efri helmingur sem líkist heljarinnar ísjaka. Neðri hlutinn er hins vegar kassalöguð múrsteinsbygging sem er í anda pakkhúsanna sem enn standa í Hafencity hverfinu sem hefur verið í mikilli uppbyggingu undanfarin ár. Rælt um þennan hluta borgarinnar er eiginlega skylduverkefni fyrir ferðamenn í borginni enda spennandi að sjá með eigin augum gömlu pakkhúsinu og svo alla nýju glerkastalana. Og fyrir þá sem verða svangir á þessum slóðum þá mælir Túristi með matsölustaðnum á 25hours Hafencity hótelinu. 

Ekki bara fyrir músík

Hið nýja kennileiti Hamborgar er ekki aðeins heimavöllur fílharmoníunnar því þar er líka hótel, íbúðir fyrir það auðugu og útsýnispallur fyrir þá sem vilja fá 360 gráðu útsýni yfir hafnarborgina. Áhugasamir um byggingarlist og tónlist geta hins vegar slegið tvær flugur í einu höggi núna með heimsókn til Hamborgar en þangað flýgur Icelandair stærsta hluta ársins. 
Hér má sjá dagskrá hússins næstu vikur og hér fyrir neðan er myndband frá opnun hússins.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …